1 Nofoaiga a Tupu

29 Ua fai atu Tavita le tupu i le faapotopotoga+ uma: “O Solomona loʻu atalii, o ia lava ua filifilia e le Atua,+ e laʻitiiti+ ma e lē lava lona poto masani, a o le galuega e telē; auā o le maota e faia e lē mo se tagata,+ ae e mo Ieova le Atua. 2 Na ou saunia+ ma loʻu malosi+ atoa mea mo le fale o loʻu Atua, o le auro+ e fai ai mea auro, o le siliva e fai ai mea siliva, o le ʻapamemea e fai ai mea ʻapamemea,+ o le uʻamea e fai ai mea uʻamea, ma laupapa e fai ai mea laupapa;+ o maa soama,+ o maa teuteu ua i totonu o le paluga o le simā, o tamaʻi maa feʻilafi, o maa tāua uma, ma maa alapasa e tele lava. 3 Talu ai ua ou fiafia+ i le fale o loʻu Atua, o loo iai foʻi saʻu oloa faapitoa+ o le auro ma le siliva; ou te foaʻiina atu lea i le fale o loʻu Atua e faaopoopo i mea uma ua ou saunia mo le fale paia:+ 4 e tolu afe taleni auro o le auro mai i Ofeira,+ ma e fitu afe taleni o le siliva ua faamamāina e ufiufi ai puipui o fale; 5 o auro e fai ai mea auro, o siliva e fai ai mea siliva, ma galuega uma e faia e lima o tufuga. O ai ea e tauofo e foaʻi mai ana mea mo Ieova i le asō?”+

6 Ona tauofo mai lea o alii sili+ o aiga o o latou tamā,+ o alii sili+ o ituaiga o Isaraelu, o taʻitaʻi o le taʻitoʻaafe+ ma le taʻitoʻaselau,+ ma alii e vaaia galuega+ a le tupu. 7 Ona latou avatua lea mo le galuega o le fale o le Atua moni, o auro e tusa ma le lima afe taleni, ma le sefulu afe tareki,* ma siliva e tusa ma le sefulu afe taleni, o ʻapamemea e sefulu valu afe taleni, ma uʻamea e tusa ma le selau afe taleni.+ 8 O tagata uma na iai a latou maa tāua, ua latou foaʻi atu i le oloa o le fale o Ieova lea na vaaia e Ikielu+ le Keresona.+ 9 Ua olioli lava le nuu i a latou meaalofa tauofo, auā na latou foaʻi atu ma le lotoatoa meaalofa tauofo iā Ieova;+ ma e oo foʻi iā Tavita le tupu, sa matuā olioli tele+ o ia.

10 Mulimuli ane, ua vivii+ atu Tavita iā Ieova i luma o le faapotopotoga+ uma, ma ua faapea atu Tavita: “Ia viia lava oe+ Ieova le Atua o Isaraelu,+ o lo matou tamā, e mai i le vavau e oo i le faavavau. 11 Ieova e, o oe e ou le silisili ese,+ o le malosi,+ o le matagofie,+ o le mamalu,+ ma le malualii;+ auā o oe e ona mea uma i le lagi ma le lalolagi.+ Ieova e, o oe e ou le malo,+ ma ua e faasilisilia oe e silisili i mea uma lava.+ 12 E mai iā te oe ʻoa+ ma le mamalu,+ o oe foʻi e pule+ i mea uma; ma o loo i lou aao le mana+ ma le malosi,+ e mafai foʻi e lou aao ona faamamaluina+ ma faamalosia tagata uma lava.+ 13 O lenei, lo matou Atua e, matou te faafetai atu iā te oe+ ma vivii+ atu i lou suafa matagofie.+

14 “O ai ea aʻu+ nei ma o ai ea loʻu nuu, ina ua matou mafaia ona foaʻi atu meaalofa tauofo faapenei?+ Auā e mai iā te oe mea uma,+ ma ua matou foaʻiina atu iā te oe mea uma mai i lou aao. 15 Auā o i matou o tagata ese i ou luma ma ē e aumau+ e pei o o matou augātamā uma. E pei o se ata lafoia o matou aso i luga o le laueleele,+ ua leai foʻi se faamoemoe. 16 Ieova e, lo matou Atua, o nei mea uma e tele ua matou saunia e fausia ai se fale mo lou suafa paia, e mai i lou aao ia, o au mea uma foʻi ia.+ 17 Loʻu Atua e, ua ou iloa lelei o oe e te suʻesuʻe i loto,+ e te fiafia foʻi i le faamaoni.+ O aʻu nei, o le faamaoni o loʻu loto ua ou foaʻi atu ai nei meaalofa tauofo uma, ua ou fiafia foʻi e vaai i lou nuu o loo nonofo mai, a o latou foaʻi atu meaalofa tauofo iā te oe. 18 Ieova e, le Atua o Aperaamo, o Isaako, ma Isaraelu o o matou augātamā,+ ia e tausi i lenei mea i aso uma lava, o manatunatuga ma faanaunauga o loto o lou nuu,+ ma faauaʻi atu o latou loto iā te oe.+ 19 Ia foaʻi mai iā Solomona loʻu atalii se lotoatoa+ e tausia ai au poloaʻiga,+ o au faamanatuga,+ o au tulafono,+ ma ia faia mea uma lava, ma ia fausia le maota+ ua uma ona ou sauniunia.”+

20 Ua faapea atu Tavita i le faapotopotoga+ uma: “Ia outou vivii+ atu iā Ieova lo outou Atua.” Ona vivii atu lea o le faapotopotoga uma iā Ieova le Atua o o latou augātamā, ua punonou+ ma ifo+ atu iā Ieova ma le tupu. 21 Ua latou faia pea taulaga+ iā Ieova ma ofo atu taulaga mū+ iā Ieova i le aso na sosoo ma lenā aso, o tamaʻi povi poʻa e afe, o mamoe poʻa e afe, o tamaʻi mamoe poʻa e afe, ma a latou taulaga i meainu,+ ma taulaga e tele mo Isaraelu+ uma. 22 Ua faaauau pea ona latou aai ma inu ma le olioli tele+ i luma o Ieova i lenā aso; ma ua faalua ona latou faia Solomona le atalii o Tavita e avea ma tupu,+ ma faauuina o ia i luma o Ieova e fai ma taʻitaʻi,+ faapea foʻi ma Satoka+ e fai ma ositaulaga. 23 Ona nofo lea o Solomona i le nofoālii+ o Ieova e fai ma tupu e sui iā Tavita lona tamā, ua taulau manuia+ o ia, ma ua usiusitaʻi foʻi Isaraelu uma iā te ia. 24 A o alii sili uma,+ o tagata malolosi,+ ma atalii uma o le Tupu o Tavita,+ ua latou gauaʻi atu i le tupu o Solomona. 25 Ua faatuputeleina+ pea e Ieova le mamalu o Solomona i luma o Isaraelu uma, ma ua foaʻi atu iā te ia le malualii e leʻi faapea ona tuuina atu i se tasi tupu o Isaraelu, na muamua iā te ia.+

26 A o Tavita le atalii o Iese, na fai o ia ma tupu o Isaraelu+ uma; 27 o aso foʻi na pule ai o ia i Isaraelu, e fā sefulu tausaga.+ Na pule o ia i Heperona i tausaga e fitu,+ ae e tolu sefulu tolu tausaga na ia pule ai i Ierusalema.+ 28 Na iʻu ina maliu Tavita ina ua matuā toeaina lava o ia,+ na faamalieina o ia i aso o lona ola, i ʻoa,+ ma le mamalu;+ ona pule lea o Solomona lona atalii e sui iā te ia.+ 29 A o le olaga uma o le tupu o Tavita, o mea muamua ma mea mulimuli, ua tusia ia i le tala a Samuelu le tagata e iloa faaaliga,+ o tala a Natano+ le perofeta, ma tala a Kato+ lē e faamatalaina faaaliga, 30 atoa ma lana nofoaiga uma, o lona malosi, ma mea na tutupu+ iā te ia ma Isaraelu, faapea ma malo uma o nuu.+