O le Salamo. O le pese a le fanauga a Koru.+
48 E sili lava Ieova ma e tatau ona matuā viia o ia+
I le aai a lo tatou Atua,+ i lona mauga paia.+
2 E matagofie le maualuga, o le fiafiaga o le lalolagi uma,+
O le Mauga o Siona i itu mamao o le itu i mātū,+
O le taulaga o le Tupu Sili.+
3 O ona ʻolo e nonofo ai, e iloa ai lava le Atua o le ʻolo e saogalemu ai.+
4 Faauta! ua filifili tupu e feiloaʻi,+
Ua latou ō atu faatasi foʻi.+
5 Ua latou vāai; ma ua latou taufaiofo ai.
Ua latou atuatuvale foʻi ma ua taufetuli ma le popole.+
6 Ua latou gatete ai i inā,+
Ma ua maua ai i tigā e pei o se fafine o le a fanau.+
7 Ua e lepetia vaa o Tasesa i le matagi mai i sasaʻe.+
8 E pei lava ona tatou faalogo i ai, e faapea foʻi ona tatou vāai i ai+
I le aai o Ieova o ʻau, i le aai a lo tatou Atua.+
E matuā faatumauina ai e le Atua e oo i le faavavau.+ Selā.
9 Le Atua e, ua matou mafaufau i lou alofa faamaoni+
I totonu o lou malumalu.+
10 Le Atua e, e pei o lou suafa,+ e faapea foʻi ona oo atu lou viiga
I tuluʻiga o le lalolagi.
Ua tumu foʻi lou aao taumatau i le amiotonu.+
11 Inā olioli ia le Mauga o Siona,+
Inā olioli ia tamaʻi aai o Iuta,+ ona o iʻuga o au faamasinoga.+
12 Inā faataamilo ia outou i Siona, ma ia soo ai,+
Inā faitau foʻi ia ona ʻolo.+
13 Ia mafaufau lelei i ona pā puipui.+
Ia iloilo ona ʻolo e nonofo ai,
Ina ia mafai ona outou faamatalatala atu i tupulaga o loo fāi mai.+
14 Auā o lenei Atua o lo tatou Atua i aso uma lava e oo i le faavavau.+
E na te taʻitaʻiina i tatou seʻia oo lava i le oti.+