I le faatonu o le ʻaufaimusika. O le fanauga a Koru. O le pese.
47 O outou nuu e, inā patipati ia o outou lima.+
Ia alalaga atu i le manumalo i le Atua ma le alaga fiafia.+
2 Auā e mataʻutia Ieova o Lē e Silisili Ese,+
O le Tupu sili i le lalolagi atoa.+
3 E na te faatoʻilaloina tagata iā i tatou+
Ma nuu i lalo o o tatou vae.+
4 E na te filifilia le tofi mo i tatou,+
O le mea e mitamita ai Iakopo, o lē ua ia alofa i ai.+ Selā.
5 Ua afio aʻe le Atua ma le alaga fiafia,+
Ua afio aʻe Ieova ma le leo o le pū.+
6 Inā pepese atu ia i le Atua, inā pepese atu ia.+
Inā pepese atu ia i lo tatou Tupu, inā pepese atu ia.
7 Auā o le Atua o le Tupu o le lalolagi atoa;+
Inā pepese atu ia, ma ia gaoioi ma le faautauta.+
8 Ua fai le Atua ma tupu i atunuu uma.+
Ua afio foʻi le Atua i luga o lona nofoālii paia.+
9 Ua faapotopoto faatasi tamālii o nuu,+
Faatasi ma tagata o le Atua o Aperaamo.+
Auā o le Atua e ona talita o le lalolagi.+
E matuā maualuga lava o ia.+