2 Tupu
19 Ina ua faalogo i ai le Tupu o Esekia,+ ona ia saei ai loa lea o ona ofu+ ma ufiufi o ia i le ʻie talatala,+ ma alu atu i le fale o Ieova.+ 2 Ua ia aauina atu i le perofeta o Isaia+ le atalii o Amota,+ o Eliakimo+ o lē e vaavaaia le aiga, o Sevena+ le failautusi, ma toeaina o le ʻauositaulaga, ma ua ufiufi i latou i ʻie talatala. 3 Ua latou faapea atu iā te ia: “O le mea lenei ua fai mai ai Esekia, ‘O le aso lenei o le aso o puapuaga,+ o aʻoaʻiga,+ ma le faasausili;+ auā o le a fanau mai tama,+ ae ua leai se malosi e fanau mai ai.+ 4 Atonu e faafofoga+ mai Ieova lou Atua i upu uma a Ravesaki, o lē na auina mai e le tupu o Asuria lona alii e faifai+ ai i le Atua soifua, ma e tauia e ia e tusa ma upu na faafofoga i ai Ieova lou Atua.+ Ia e tatalo+ atu foʻi ona o ē ua totoe+ o loo iai.’”
5 Ua oo atu auauna a le Tupu o Esekia iā Isaia.+ 6 Ua faapea mai Isaia iā i latou: “O le mea lenei e tou te fai atu ai i lo outou alii, ‘O loo faapea ona fetalai mai o Ieova:+ “Aua e te fefe+ ona o upu na e faalogo i ai, na upuleagaina ai aʻu e auauna a le tupu o Asuria.+ 7 O aʻu lava, ou te tuuina iā te ia se manatu,+ e faalogo foʻi o ia i se tala+ ma toe foʻi atu i lona lava nuu; ou te fasiotia o ia i le pelu i lona lava nuu.”’”+
8 Mulimuli ane, ona toe foʻi atu lea o Ravesaki+ ma maua atu ai le tupu o Asuria o tau ma Lipena;+ auā na ia faalogo ua alu ese o ia mai i Lakisa.+ 9 Na ia faalogo ua faapea mai e faatatau iā Tiraka le tupu o Aitiope: “Na sau o ia e tau ma oe.” O le mea lea, na ia toe aauina atu ai ni avefeʻau+ iā Esekia, e faapea: 10 “O le mea lenei e tou te fai atu ai iā Esekia le tupu o Iuta, ‘Aua neʻi ʻolegia oe e le Atua ua e faatuatua i ai,+ e faapea: “E lē tuuina atu Ierusalema+ i le lima o le tupu o Asuria.”+ 11 Faauta! Ua e faalogo i mea na faia e tupu o Asuria i nuu uma i le faaumatiaina+ o i latou; ae pe e laveaʻiina ea oe?+ 12 Pe na laveaʻiina ea i latou e atua+ o nuu na faafanoina e oʻu augātamā e oo lava i Kosane,+ o Karana,+ ma Risefa, atoa ma le fanauga a Etena+ sa i Tilasa?+ 13 O fea ea o iai o ia, o le tupu o Amato,+ o le tupu o Arepa,+ ma le tupu o aai o Sefavaima, o Ena, ma Iva?’”+
14 Ona ave lea e Esekia o tusi mai i lima o avefeʻau ma lauina,+ mulimuli ane, ua alu aʻe Esekia i le fale o Ieova ma fofola atu tusi i luma o Ieova.+ 15 Ona tatalo+ lea o Esekia i luma o Ieova, ma faapea atu: “Ieova e, le Atua o Isaraelu,+ o lē e afio i luga o kerupi,+ e na o oe lava le Atua moni o malo+ uma o le lalolagi.+ O oe lava na e faia le lagi+ ma le lalolagi.+ 16 Ieova e, ia e liuliualo ma faafofoga mai.+ Ia silasila mai ou fofoga+ Ieova e, ma ia e silafia, ma faafofoga mai i upu a Sanerivi ua auina mai e faifai+ i le Atua soifua. 17 Ieova e, e moni lava ua faatafuna e tupu o Asuria nuu ma o latou laueleele.+ 18 Ua latou susunuina o latou atua i le afi, auā e lē o ni atua i latou,+ a o galuega a lima o tagata,+ o laau ma maa; o lea ua latou faaumatia ai na mea. 19 O lenei, Ieova e lo matou Atua,+ faamolemole ia e faaola mai iā i matou+ mai i lona lima, ina ia iloa ai e malo uma o le lalolagi, o oe Ieova e, e na o oe le Atua e toʻatasi.”+
20 Ona auina atu lea e Isaia le atalii o Amota, o se feʻau iā Esekia ua faapea atu: “Ua faapea ona fetalai mai o Ieova le Atua o Isaraelu,+ ‘Ua ou faalogo+ i le tatalo+ na e fai mai ai iā te aʻu e faatatau iā Sanerivi le tupu o Asuria. 21 O le afioga lenei a Ieova na ia fetalai mai ai e faasaga iā te ia:
“Ua ʻinoʻino le tama teine taupou a Siona iā te oe,+ ma ua ia tauemu iā te oe.+
Ua lialiaʻi mai foʻi e le tama teine a Ierusalema+ lona ulu+ i ou tua.
22 O ai ua e faifai+ i ai ma upuleaga i ai?+
O ai foʻi ua e leotele i ai+
O ai foʻi ua e faamaualuga i ai?+
O Lē e Paia o Isaraelu!+
23 O au avefeʻau+ foʻi ua e faifai ai iā Ieova, ma ua e faapea ane ai,+
‘O aʻu ma aʻu kariota tau e matuā tele lava+
Ou te alu aʻe ai i vaega maugā maualuluga,+
O vaega pito i mamao foʻi o Lepanona;+
Ou te tuuina i lalo ona arasi maualuluga,+ ma ona perosi matagofie.+
Ou te ulu atu foʻi i lona nofoaga e pito i sili ona mamao, o le vaomatua e pei o se togālaau.+
24 Ou te eli lava ma ou inu i vai ese,
Ou te faamātūtūina foʻi alāvai uma o le Naila o Aikupito i oʻu alofivae.’+
25 Pe e te leʻi faalogo ea?+ Ua uma ona ou filifilia mea e faia mai lava i aso anamua.+
Ou te faia foʻi e amata mai i aso ua mavae.+
O lenei o le a ou aumaia.+
E te faatafunaina foʻi aai malupuipuia, e pei o faupuʻega o mea ua faatafunaina.+
26 E vaivai foʻi lima o o latou tagatānuu;+
E latou te matuā fefefe lava ma māsiasi.+
E avea i latou e pei o vao o le fanua ma mutia muʻamuʻa lanu meamata,+
E pei foʻi o le mutia o taualuga,+ ua mamae i le matagi mai i sasaʻe.+
27 Ua ou iloa lelei+ lou nofo filemu, o lou ulufafo+ ma lou ulufale,
Ma lou ita tele iā te aʻu,+
28 Auā ua ou faalogo+ i lou ita tele iā te aʻu+ ma lou pisapisaō.
Ou te tuuina lava laʻu mātau i lou isu, ma laʻu faagutu i ou laugutu,+
Ou te faafoʻi atu lava oe i le ala na e sau ai.”+
29 “‘O le faailoga lenei mo oe:+ E tou te aai i lenei tausaga i mea ua tutupu mai i fatu na toʻulu,+ o le tausaga lona lua o saito* e tutupu mai ai; a o le tausaga lona tolu, e tou te lūlūina ai fatu,+ ma selesele, ma totō ai togāvine ma aai mai i o latou fua.+ 30 A o ē ua sao o le aiga o Iuta, o i latou ia ua totoe,+ e sosolo i lalo o latou aa ma fua mai ai ni fua i luga.+ 31 Auā e ō atu ē o totoe mai i Ierusalema,+ ma ē e sosola ese mai i le Mauga o Siona.+ E faia lenei mea i le maelega+ o Ieova o ʻau.
32 “‘O le mea lea ua fetalai mai ai Ieova e faatatau i le tupu o Asuria:+ “E lē sau o ia i lenei aai,+ e na te lē fanaina se aū+ i inā, e lē sau i ai ma se talipupuni, pe tanu se mea mautiʻetiʻe+ faasaga i ai. 33 Ua fetalai mai foʻi Ieova, o le ala e sau ai o ia, e toe foʻi atu ai, e lē sau lava o ia i totonu o lenei aai.+ 34 Ou te puipuia+ lenei aai ma faasaoina, ona o aʻu+ ma Tavita laʻu auauna.”’”+
35 O lenā lava pō na alu atu ai le agelu a Ieova, ma fasiotia le toʻaselau valu sefulu lima afe o le ʻautau+ a Asuria.+ Ina ua feala aʻe tagata i le taeaopō, vaai foʻi! o tagata oti uma i latou.+ 36 Ona alu ese ai lea o Sanerivi+ le tupu o Asuria, ua alu ma toe foʻi atu,+ ua nofo i Nineva.+ 37 A o ifo o ia i le fale o Nisero+ lona atua,+ ona fasiotia lea o ia i le pelu+ e ona atalii o Atameleko ma Salese, ona la sosola ai lea i le nuu o Ararata.+ A ua avea Esara-atona+ lona atalii ma tupu e sui iā te ia.