Faataoto

4 Le fanau e, inā faalogo mai ia i le aʻoaʻo atu a le tamā,+ ma uaʻi i ai ina ia maua ai le malamalama.+ 2 Auā ou te avatu iā te outou o faatonuga lelei.+ Aua tou te tuulafoaʻiina laʻu tulafono.+ 3 Auā o aʻu foʻi o le atalii moni o loʻu tamā,+ o le pele a loʻu tinā.+ 4 Na ia aʻoaʻo mai iā te aʻu+ ma faapea mai iā te aʻu: “Ia taofimau i lou loto+ aʻu upu.+ Ia tausi i aʻu poloaʻiga ma ola pea.+ 5 Ia maua le atamai,+ ia maua foʻi le malamalama.+ Aua neʻi galo ma aua neʻi liliuese mai i upu a loʻu gutu.+ 6 Aua neʻi tuua le atamai, ona tausia ai lea o oe. Ia naunau i ai, ona puipuia ai lea o oe. 7 O le atamai o le mea sili lea.+ Ia maua le atamai; i mea uma lava e te maua, ia maua mai ai le malamalama.+ 8 Ia matuā faatāuaina le atamai, ona faaeaina ai lea o oe.+ E faamamaluina ai foʻi oe auā ua e talia atoatoa.+ 9 O le a tuu atu e le atamai i lou ulu le pale matagofie;+ o le a avatu ai foʻi iā te oe le palealii matagofie.”+

10 Loʻu atalii e, inā faalogo mai ia ma talia aʻu upu.+ Ona faateleina ai lea o tausaga o lou olaga.+ 11 O le a ou faatonutonu oe i le ala o le atamai;+ o le a ou faapogaia oe e savali i ala o le amiotonu.+ 12 Pe a e savali, o le a lē faalavelavea ou laasaga;+ pe a e momoʻe foʻi, e te lē tausuai.+ 13 Ia taofimau i upu ua e aʻoaʻoina;+ aua neʻi faamaamuluina.+ Ia leoleo i ai, auā o lou ola lea.+

14 Aua e te ui i le ala o ē e amioleaga,+ aua foʻi e te savali saʻo i le ala o ē e faia mea leaga.+ 15 Ia e ʻaloese ai,+ aua e te ui ane ai;+ ia liliuese mai ai, ma alu pea.+ 16 Auā latou te lē momoe seʻiloga ua latou faia ni mea leaga,+ ma ua mou lo latou fia momoe seʻiloga ua latou faia se mea e lāvea ai se isi.+ 17 Auā ua latou fafaga i latou lava i le falaoa o le amioleaga,+ ma ua latou feinu i le uaina o faiga sauā.+ 18 Ae o le ala o ē e amiotonu ua pei o le susulu o le malamalama lea e atili ai ona malamalama ma malamalama pea, seʻia oo ina matuā ao lelei le aso.+ 19 O le ala o ē e amioleaga ua pei o se mea pogisa;+ ua latou lē iloa le mea ua latou tausuai ai pea.+

20 Loʻu atalii e, ia uaʻi mai i aʻu upu.+ Ia faalogo mai foʻi ou taliga i mea ou te fai atu ai.+ 21 Tau ina ia aua neʻi teʻa ese mai i ou mata.+ Ia teu ia mea i totonu o lou loto.+ 22 Auā o ia mea o le ola lea iā i latou ua maua,+ ma e mālōlōina ai o latou tino uma.+ 23 O le mea e sili ona leoleoina o mea uma, ia leoleoina lou loto,*+ auā e tupu mai ai vaipuna o le ola.+ 24 Ia tuu ese mai iā te oe o faamatalaga faapiʻopiʻo;+ ia mamao ma oe laugutu faitala faaʻaloʻalo.+ 25 A o ou mata, ia vaai saʻo i luma,+ ioe, o ou mata e ao ona pulatoʻa i luma.+ 26 Ia faalaulelei le ala o ou vae,+ ma tau ina ia matuā faatumauina ou ala uma.+ 27 Aua e te fia alu i le itu taumatau po o le itu tauagavale.+ Ia laa ese lou vae mai i le mea leaga.+