Salamo

19 Ua faalauiloa mai e le lagi le mamalu o le Atua;+

Ma o loo taʻu atu foʻi e le vanimonimo galuega a ona aao.+

 2 O lea aso ma lea aso e mapuna mai ai upu,+

O lea pō ma lea pō o loo faailoa mai ai le poto.+

 3 E leai se tala, ma e leai ni upu;

Ua lē lagona foʻi o latou leo.+

 4 Ua faataatia atu la latou fua i le lalolagi uma,+

Ua oo atu foʻi a latou upu i tuluʻiga o le laueleele.+

Ua ia faatūina ai foʻi i inā se faleʻie mo le lā,+

 5 E pei o se alii faaipoipo o sau mai i lona potumoe;+

E fiafia o ia e pei o se tagata malosi e tamoʻe i le ala.+

 6 O lona alu atu e mai i le tasi tuluʻiga o le lagi,

E muta mai lona faataamilosaga i le tasi o ona tuluʻiga;+

Ma e leai foʻi se mea e natia mai i lona vevela.+

 7 E lelei atoatoa+ le tulafono+ a Ieova, e faafoʻisia ai le ola.+

E maufaatuatuaina+ le faamanatuga+ a Ieova, e atamai ai le tagata e leai se poto masani.+

 8 E tonu+ faatonuga+ mai iā Ieova, e olioli+ ai le loto;

E mamā+ le poloaʻiga+ a Ieova, e malamalama ai mata.+

 9 E mamā le mataʻu+ iā Ieova, e tumau e faavavau.

E saʻo+ iʻuga o faamasinoga+ a Ieova; e amiotonu uma lava.+

10 E sili atu ona naunau i ai nai lo o le auro, ioe, nai lo o auro e tele ua faamamāina;+

E sili atu ona suamalie nai lo o le meli,+ o le meli ua sisina ifo mai i faamoega lagomeli.+

11 Ma ua lapataʻia+ ai lau auauna;

E tele foʻi le taui pe a tausi i ai.+

12 O ai ea na te iloa ni ona sesē?+

Ia e taʻumamāina aʻu mai i agasala lilo.+

13 Ia e taofia foʻi lau auauna mai i gaoioiga faamaualuga;+

Aua neʻi tuuina i latou e pule mai iā te aʻu.+

Ona atoatoa ai lea o aʻu,+

Ma lē taʻusalaina ai aʻu mai i le tele o solitulafono.

14 Ia mālie iā te oe upu a loʻu gutu ma manatunatuga o loʻu loto+

Ieova e, loʻu Papa+ ma Lē e togiolaina+ aʻu.