Faamasino

21 Ua tautō tagata o Isaraelu i Mesepa+ e faapea: “Aua neʻi iai se tasi o i tatou e avatu sona afafine e fai ma avā a se tagata Peniamina.”+ 2 Ua ō ane le nuu i Peteli+ ma nonofo ai pea i inā i luma o le Atua moni+ seʻia oo i le afiafipō, ua latou fetagisi leotetele foʻi.+ 3 Ua latou faapea atu: “Ieova e, le Atua o Isaraelu, aiseā ua tupu ai lenei mea i Isaraelu, auā ua mou atu le tasi ituaiga o Isaraelu i le asō?”+ 4 Ua fealapō tagata i le aso na sosoo ai ma fai le fata faitaulaga i inā, ma ofo atu ai taulaga mū+ ma taulaga faifaatasi.+

5 Ona faapea atu lea o le fanauga a Isaraelu: “O ai mai i ituaiga uma o Isaraelu e leʻi alu aʻe iā Ieova i le faapotopotoga, auā na faia se tautoga+ tele e faatatau i lē e leʻi alu aʻe i luma o Ieova i Mesepa, e faapea: ‘Ia fasiotia lava o ia.’”+ 6 Ona salamō ai lea o le fanauga a Isaraelu ona o Peniamina lo latou uso. Ua latou faapea ane: “Ua tafiesea i le asō le ituaiga e tasi o Isaraelu.” 7 O le ā se mea tatou te faia iā i latou ua totoe e leai ni avā, auā ua uma ona tatou tautō+ iā Ieova, e lē avatua se tasi o o tatou afafine e fai ma a latou avā?”+

8 Ua latou faapea atu: “O ai mai i ituaiga o Isaraelu e leʻi alu aʻe i luma o Ieova i Mesepa?”+ Faauta! e leʻi sau se tasi i le togālauapi mai i Iapese-kiliata+ i le faapotopotoga. 9 Ina ua faitauina le nuu, faauta! e leai se tagata mai i ē e nonofo i Iapese-kiliata na iai i inā. 10 Ona aauina atu lea e le faapotopotoga i inā o tagata e sili ona totoa e toʻasefulu lua afe, ma poloaʻi atu iā i latou e faapea: “Inā ō ia, ma outou fasiotia tagata o loo nonofo i Iapese-kiliata i le pelu, e oo lava i fafine ma tamaiti.+ 11 O le mea lenei e ao ona outou faia: O tane uma, ma fafine uma na momoe ma se tane, e tatau ona outou fasiotia.”+ 12 A ua latou maua i ē na nonofo i Iapese-kiliata,+ o teine taupou+ e toʻafā selau, o ē e leʻi momoe lava ma se tane. Ona latou aumaia lea o i latou i le togālauapi i Sailo,+ i le nuu o Kanana.

13 Ona aauina atu lea e le faapotopotoga uma o nisi ina ia tautatala atu i le fanauga a Peniamina sa i le papa o Rimoni,+ ma faapea atu iā i latou ia filemu. 14 Ua toe foʻi ane Peniamina i lenā taimi. Ona latou avatu lea iā i latou o fafine na faasaoina mai i fafine o Iapese-kiliata;+ ae e leʻi tofu i latou uma ma le fafine.+ 15 Ua salamō le nuu ona o Peniamina,+ auā ua faaeseese e Ieova o ituaiga o Isaraelu. 16 Ona faapea ane lea o toeaina o le faapotopotoga: “O le ā se mea tatou te faia i tane ua totoe e leai ni avā, auā ua faaumatia fafine uma o Peniamina?” 17 Ua latou faapea ane: “Ia iai se tofi mo i latou ua faasaoina o Peniamina,+ ina ia lē tafiesea ai se ituaiga mai iā Isaraelu. 18 A o i tatou, e faasā ona avatu o tatou afafine e fai ma a latou avā, auā ua tautō le fanauga a Isaraelu e faapea, ‘Ia malaia lē e na te avatu se avā iā Peniamina.’”+

19 Ona latou faapea atu lea: “Faauta! E iai se tausamiga a Ieova e faia i lea tausaga ma lea tausaga i Sailo+ i le itu i mātū o Peteli, e agaʻi atu i sasaʻe i le ala tele e alu aʻe mai i Peteli e oo atu i Sekema,+ ma agaʻi atu i saute i Lepona.” 20 Ua latou poloaʻi atu i le fanauga a Peniamina e faapea: “Inā ō ia ma ia outou lalafi e faatalitali i togāvine. 21 Ia outou vaavaai, afai e ō atu afafine o Sailo e sisiva+ faataamilo, ia outou ō atu mai i togāvine ma ave faamalosi mo outou e taʻitasi ma lana avā mai i afafine o Sailo, ona outou ō lea i le nuu o Peniamina. 22 Ae afai e ō mai o latou tamā po o latou tuagane e tagi mai iā i latou, ona matou fai atu lea iā i latou, ‘Ia outou alolofa mai iā i matou ona o i latou, auā matou te leʻi avatua ni avā mo i latou i le taua,+ auā e lē o outou na avatua ni avā iā i latou, ina neʻi nofosala ai outou.’”+

23 Ona faia lea faapea e le fanauga a Peniamina, ua latou ave avā e faatatau i lo latou aofaʻi+ mai i fafine na sisiva+ faataamilo, o ē na latou faoa; ona latou ō lea ma toe foʻi i o latou tofi, ua faia aai+ ma nonofo ai.

24 Ona ō ese lea o le fanauga a Isaraelu mai i inā i lenā taimi, e taʻitasi i lona ituaiga ma lona aiga; ua latou ō ese mai i inā, e taʻitasi i lona lava tofi.+

25 Sa leai se tupu i Isaraelu i na aso.+ A ua faia e le tagata lava ia le mea e tonu i lona manatu, e pei ona masani ai.+