1 Nofoaiga a Tupu

15 Ua ia faia pea o fale+ mo ia lava i le Aai a Tavita; na ia saunia foʻi se mea+ e tuu ai le atolaau a le Atua moni, ma faatū se faleʻie e tuu ai le atolaau. 2 Ua fai atu Tavita: “E lē aveina e se tasi le atolaau a le Atua moni ae e na o sa Levī, auā o i latou ia na filifilia e Ieova e aveina le atolaau a Ieova,+ ma auauna+ iā te ia i aso uma lava.” 3 Ona faapotopoto lea e Tavita o Isaraelu uma i Ierusalema,+ ina ia ave aʻe le atolaau+ a Ieova i le mea ua ia saunia e tuu ai.

4 Ua faapotopoto foʻi e Tavita le fanauga a Arona,+ ma sa Levī; 5 e mai i le fanauga a Koato o Urielu+ le alii sili ma ona uso, e toʻaselau lua sefulu; 6 e mai i le fanauga a Merari+ o Asaia+ le alii sili ma ona uso, e toʻalua selau lua sefulu; 7 e mai i le fanauga a Keresoma+ o Ioelu+ le alii sili ma ona uso, e toʻaselau tolu sefulu; 8 e mai i le fanauga a Elisafano+ o Semaia+ le alii sili ma ona uso, e toʻalua selau; 9 e mai i le fanauga a Heperona o Elielu le alii sili ma ona uso, e toʻavalu sefulu; 10 e mai i le fanauga a Usialu+ o Aminatapu le alii sili ma ona uso, e toʻaselau sefulu lua. 11 Ua aami foʻi e Tavita ositaulaga o Satoka+ ma Aviata,+ ma le ʻau sa Levī o Urielu,+ o Asaia,+ o Ioelu,+ o Semaia,+ o Elielu,+ ma Aminatapu, 12 ua ia faapea atu iā i latou: “O outou o alii sili+ o aiga o sa Levī. Ia faapaiaina+ outou, o outou ma o outou uso, ma e tou te aumaia le atolaau a Ieova le Atua o Isaraelu i le mea ua ou saunia e tuu ai. 13 Auā i le taimi muamua tou te leʻi faia ai faapea,+ na osofaʻia+ ai i tatou e Ieova lo tatou Atua, auā tatou te leʻi saʻili atu iā te ia e tusa ma le tū e masani ai.”+ 14 Ona faapaiaina+ lea e ositaulaga ma le ʻau sa Levī o i latou lava, ina ia ave aʻe le atolaau a Ieova le Atua o Isaraelu.

15 Ona amo+ lea e le ʻau sa Levī o le atolaau a le Atua moni i amo i o latou tauʻau,+ e pei ona poloaʻi mai ai Mose e tusa ai ma le afioga a Ieova. 16 Ona fai atu lea o Tavita i alii sili o le ʻau sa Levī, ina ia tofia o latou uso o ē e pepese+ faatasi ma meafaifaaili,+ o meafaifaaili e iai uaua,+ o kitara,+ ma sumepalo,+ ina ia tā leotele pese fiafia.

17 Ua tofia e le ʻau sa Levī o Hemana+ le atalii o Ioelu, mai i ona uso o Asafo+ le atalii o Perekia; ma e mai i le fanauga a Merari o latou uso, o Etano+ le atalii o Kusaia; 18 sa latou faatasi foʻi ma o latou uso o le vaega lona lua,+ o Sakaria,+ o Pene, o Iaasielu, o Semiramota, o Ikielu, o Uni, o Eliapo, o Penaia, o Maaseia, o Maatatia, o Elipeleu, o Mikenau, o Opete-etoma,+ ma Ieielu o ē e leoleoina faitotoʻa, 19 sa tofia tagata pepese o Hemana,+ o Asafo,+ ma Etano e tāina leotele sumepalo ʻapamemea;+ 20 o Sakaria, o Aseelu,+ o Semiramota, o Ikielu, o Uni, o Eliapo, o Maaseia, ma Penaia, na tofia e tāina meafaifaaili e iai uaua i Alemota,+ 21 o Maatatia,+ o Elipeleu, o Mikenau, o Opete-etoma, o Ieielu, ma Asesau, na tofia i latou e fai ma faatonu o ē e tāina kitara+ i Seminita;+ 22 o Kinania+ le alii sili o sa Levī i le aveina o le atolaau, o ia na tuuina atu faatonuga i le aveina o le atolaau auā o ia o se tagata poto;+ 23 o Perekia ma Elekana, o leoleo+ ia o le Atolaau; 24 o Sepania, o Iosafata, o Netanielu, o Amesai, o Sakaria, o Penaia, ma Elisara, o ositaulaga ia o loo iliina leotetele pū i luma o le atolaau+ a le Atua moni, ma Opete-etoma ma Ikia, o leoleo ia o le Atolaau.

25 O Tavita+ ma toeaina o Isaraelu+ atoa ma alii sili+ o le taʻitoʻaafe, o i latou ia na savavali faatasi e ave aʻe ma le olioli+ le atolaau o le feagaiga a Ieova, mai i le fale o Opete-etoma.+ 26 Ina ua fesoasoani+ le Atua moni i le ʻau sa Levī a o latou aveina le atolaau o le feagaiga a Ieova, ona latou faia lea o le taulaga i tamaʻi povi poʻa e fitu, ma mamoe poʻa+ e fitu. 27 Na ofu foʻi Tavita i le ofu talaloa e leai ni lima na fai i le ʻie lelei, atoa foʻi ma sa Levī uma o ē na aveina le Atolaau, o tagata pepese, ma Kinania+ le alii sili o lē na vaaia le ʻaupepese+ na aveina le atolaau; ae na ofu Tavita i le efota+ e fai i le ʻie lino. 28 Ua ave aʻe e Isaraelu uma le atolaau o le feagaiga a Ieova, ma le alalaga o le olioli+ ma leo o pū+ eseese, ma sumepalo,+ o loo tā leotetele meafaifaaili e iai uaua ma kitara.+

29 Ina ua oo mai le atolaau o le feagaiga+ a Ieova i le Aai a Tavita, ona vaavaai ifo lea o Mekala+ le afafine o Saulo mai i le faamalama, ua iloa atu ai le Tupu o Tavita o loo osooso ma le fiafia;+ ona ʻinoʻino+ ai lea o lona loto iā te ia.