Kenese

5 O le tusi lenei i le talaaga o Atamu. O le aso foʻi na faia ai Atamu e le Atua, na ia faia o ia e faatusa i le Atua.+ 2 Na ia faia i laʻua o le tane ma le fafine.+ Ona ia faamanuia atu lea iā i laʻua ma taʻua i laʻua o Tagata*+ i le aso na faia ai i laʻua.+

3 Na ola Atamu mo le selau tolu sefulu tausaga. Ona fanaua lea e ia o se atalii e foliga iā te ia, e faatusa iā te ia, ua ia faaigoa o ia o Setu.+ 4 O aso o Atamu ina ua ia fanaua o Setu e valu selau tausaga. Ua fanaua foʻi e ia o atalii ma afafine.+ 5 O aso uma na ola ai Atamu, e iva selau tolu sefulu tausaga, ona oti ai lea o ia.+

6 Na ola Setu mo le selau ma le lima tausaga. Ona fanaua lea e ia o Enosa.+ 7 E valu selau ma le fitu isi tausaga sa ola ai Setu ina ua mavae ona fanaua e ia o Enosa. Ua fanaua foʻi e ia o atalii ma afafine 8 O aso uma o Setu e iva selau sefulu lua tausaga, ona oti ai lea o ia.

9 Na ola Enosa mo le iva sefulu tausaga. Ona fanaua lea e ia o Keinano.+ 10 E valu selau sefulu lima tausaga sa ola ai Enosa ina ua mavae ona fanaua e ia o Keinano. Ua fanaua foʻi e ia o atalii ma afafine. 11 O aso uma o Enosa e iva selau ma le lima tausaga, ona oti ai lea o ia.

12 Na ola Keinano mo le fitu sefulu tausaga. Ona fanaua lea e ia o Maalaele.+ 13 E valu selau fā sefulu isi tausaga sa ola ai Keinano ina ua mavae ona fanaua e ia o Maalaele. Ua fanaua foʻi e ia o atalii ma afafine 14 O aso uma o Keinano e iva selau sefulu tausaga, ona oti ai lea o ia.

15 Na ola Maalaele mo le ono sefulu lima tausaga. Ona fanaua lea e ia o Iareto.+ 16 E valu selau tolu sefulu isi tausaga sa ola ai Maalaele ina ua mavae ona fanaua e ia o Iareto. Ua fanaua foʻi e ia o atalii ma afafine. 17 O aso uma o Maalaele e valu selau iva sefulu lima tausaga, ona oti ai lea o ia.

18 Na ola Iareto mo le selau ono sefulu lua tausaga. Ona fanaua lea e ia o Enoka.+ 19 E valu selau isi tausaga sa ola ai Iareto ina ua mavae ona fanaua e ia o Enoka. Ua fanaua foʻi e ia o atalii ma afafine. 20 O aso uma o Iareto e iva selau ono sefulu lua tausaga, ona oti ai lea o ia.

21 Na ola Enoka mo le ono sefulu lima tausaga. Ona fanaua lea e ia o Metusela.+ 22 Talu ona fanaua e ia o Metusela, sa faaauau ona savavali Enoka ma le Atua moni mo le tolu selau tausaga. Ua fanaua foʻi e ia o atalii ma afafine. 23 O aso uma o Enoka e tolu selau ono sefulu lima tausaga. 24 Na faaauau pea ona savavali+ o Enoka ma le Atua moni.+ Ona lē toe iloa lea o ia e se isi, auā na aveesea o ia e le Atua.+

25 Na ola Metusela mo le selau valu sefulu fitu tausaga. Ona fanaua lea e ia o Lameko.+ 26 E fitu selau valu sefulu lua isi tausaga sa ola ai pea Metusela ina ua mavae ona fanaua e ia o Lameko. Ua fanaua foʻi e ia o atalii ma afafine. 27 O aso uma o Metusela e iva selau ono sefulu iva tausaga, ona oti ai lea o ia.

28 Na ola Lameko mo le selau valu sefulu lua tausaga. Ona fanaua lea e ia o se atalii. 29 Ua ia faaigoa o ia o Noa,*+ ma ia faapea ane: “E faamāfanafanaina i tatou e ia i la tatou galuega, ma le tigā o o tatou lima ona ua faamalaiaina+ e Ieova le laueleele.” 30 E lima selau iva sefulu lima isi tausaga sa ola ai Lameko ina ua mavae ona fanaua e ia o Noa. Ua fanaua foʻi e ia o atalii ma afafine. 31 O aso uma o Lameko e fitu selau fitu sefulu fitu tausaga, ona oti ai lea o ia.

32 Ua lima selau tausaga o Noa. Ona fanaua lea e ia o Semu,+ Hamo+ ma Iafeta.+