Salamo

129 “Ua leva ona latou faasauā mai iā te aʻu talu ina ou talavou,”+

Ia faapea atu nei Isaraelu,+

 2 “Ua leva ona latou faasauā mai iā te aʻu talu ina ou talavou;+

Ae peitaʻi, e latou te leʻi manumalo ai iā te aʻu.+

 3 Ua suatia e tagata le eleele i oʻu tua;+

Ua latou faalautele atu foʻi o latou fanua na suatia.”

 4 E amiotonu Ieova.+

Ua ia sesele ninii i maea a ē e amioleaga.+

 5 E māsiasi i latou ma liliu i tua,+

O i latou uma o ē e ʻinoʻino iā Siona.+

 6 E avea i latou e pei o le mutia lanu meamata i luga o fale,+

E magumagu a o leʻi veleeseina,+

 7 Lea e lē tumu ai le lima o lē e seleseleina,+

Po o le fatafata o lē e aoina fusi saito.

 8 E lē fai atu foʻi i latou e ui ane ai:

“Ia faamanuia Ieova iā te outou.+

Ua matou faamanuia atu foʻi iā te outou i le suafa o Ieova.”+