Teuteronome

16 “Ia e tausia le masina o Apipa,+ ma e ao ona e faamanatu ai le paseka iā Ieova lou Atua,+ auā o le masina o Apipa na aumaia ai oe e Ieova lou Atua mai i Aikupito i le pō.+ 2 Ia e faia le taulaga o le paseka iā Ieova lou Atua+ i mamoe ma povi,+ i le nofoaga o le a filifilia e Ieova e tuu ai lona suafa.+ 3 Aua e te ʻai se mea faafefete faatasi ma le taulaga. Ia e ʻai i aso e fitu i falaoa e lē faafefeteina,+ o le falaoa o le puapuaga, auā na faavave ona e alu ese mai i le atunuu o Aikupito,+ ina ia e manatua ai le aso na e alu ese mai ai i le atunuu o Aikupito i aso uma e te ola ai.+ 4 Aua foʻi neʻi iloa iā te oe se paluga ua fefete* i lou fanua i aso e fitu,+ aua foʻi neʻi faatotoe e oo i le taeao se aano o se manu e te faia ai le taulaga i le afiafi o le aso muamua.+ 5 E faasā ona e faia le taulaga o le paseka i so o se aai ua tuuina mai e Ieova lou Atua iā te oe. 6 Ae i le nofoaga e filifilia e Ieova e tuu ai lona suafa,+ ia e faia ai le taulaga o le paseka i le afiafi i le goto o le lā,+ i le taimi tonu na e alu ese ai mai i Aikupito. 7 Ia e tunu i le afi ma e ʻai+ i le nofoaga o le a filifilia e Ieova lou Atua,+ ma pe a oo i le taeao ia e liliu ma e alu atu i ou faleʻie. 8 Ia e ʻai falaoa e lē faafefeteina i aso e ono; ae i le aso lona fitu e faia ai se fonotaga paia iā Ieova lou Atua.+ Aua e te faia ai ni galuega.

9 “Ia e faitauina e oe lava vaiaso e fitu. E amata mai i le taimi e faatoʻā sala ai le togāsaito i le selesaito, e amata ai i inā ona e faitauina vaiaso e fitu.+ 10 Ona e faia ai lea o le tausamiga o vaiaso iā Ieova lou Atua,+ ma le taulaga tauofo ua avatu e ou lima, e tusa ma le faamanuia a Ieova lou Atua iā te oe.+ 11 Ia e fiafia i luma o Ieova lou Atua,+ o oe ma lou atalii, o lou afafine, o lau tane pologa, o lau teine pologa, o le sa Levī o loo i totonu o lou aai, o le tagata ese e aumau,+ o le tama e leai se tamā,+ ma le fafine ua oti lana tane,+ o i latou ua iā te oe, i le nofoaga o le a filifilia e Ieova lou Atua e tuu ai lona suafa.+ 12 Ia e manatua foʻi na e nofo pologa i Aikupito,+ ma e ao ona e tausia ma faia nei tulafono.+

13 “O tausamiga o fale lauvao,+ e ao ona e faamanatu mo oe lava i aso e fitu, pe a e aoaoina mai i lau mea e soli ai saito, ma lau suāuu, ma lau soligavine. 14 Ia e fiafia i le taimi o ou tausamiga,+ o oe ma lou atalii, o lou afafine, o lau tane pologa, o lau teine pologa, o le tagata sa Levī, o le tagata ese e aumau, o le tama e leai se tamā, ma le fafine ua oti lana tane, o ē o loo i totonu o lou aai. 15 E fitu aso e te faamanatu ai le tausamiga+ iā Ieova lou Atua i le nofoaga o le a filifilia e Ieova, auā e faamanuia+ Ieova lou Atua iā te oe i au mea uma e maua mai, ma gaoioiga uma a ou lima, ma ia e matuā fiafia ai.+

16 “E faatolu i le tausaga ona tutū ou tane uma i luma o Ieova lou Atua i le nofoaga e filifili e ia:+ o le tausamiga o falaoa e lē faafefeteina,+ o le tausamiga o vaiaso+ ma le tausamiga o fale lauvao,+ ma e leai se tasi e tū i luma o Ieova e aunoa ma se mea.+ 17 E taʻitasi le tagata e tusa ma meaalofa ua iā te ia, e tusa ma le faamanuia ua tuuina mai e Ieova lou Atua iā te oe.+

18 “Ia e tofia mo oe nisi e fai ma faamasino+ ma ni leoleo+ i faitotoʻa o ou aai taʻitasi e tuuina mai e Ieova lou Atua iā te oe e tusa ma ou ituaiga, ma e ao ona latou faamasinoina tagata i le faamasinogatonu. 19 Aua e te faia se faamasinoga faapiʻopiʻo.+ Aua e te faaʻauʻau,+ pe talia ni foaʻi e faia i se faiga faaalatua, auā e faatauasoina ai mata o ē e atamamai+ ma mimilo sesē ai upu a ē e amiotonu. 20 O le faamasinogatonu, ia e saʻilia le faamasinogatonu,+ ina ia e ola ai pea ma fai mo oe le laueleele e tuuina mai e Ieova lou Atua iā te oe.+

21 “Aua e te totōina mo oe so o se laau e fai ma pou paia e latalata i le fata faitaulaga a Ieova lou Atua, lea e te faia mo oe lava.+

22 “Aua foʻi e te faatū mo oe se poutū paia,+ o se mea lea e matuā inosia e Ieova lou Atua.+