Salamo

101 Ou te pese e uiga i le alofa faamaoni ma le faamasinoga.+

Ieova e, ou te fai pesega iā te oe.+

 2 Ou te gaoioi ma le faautauta i se auala saʻo.+

O afea ea e te afio mai ai iā te aʻu?+

Ou te savali ma le faamaoni o loʻu loto i totonu o loʻu fale.+

 3 Ou te lē tuu i oʻu luma se mea e lē aogā.+

Ua ou ʻinoʻino i amioga a ē ua liliuese mai i le ala saʻo;+

E lē pipii mai lea iā te aʻu.+

 4 E teʻa ese mai iā te aʻu o lē ua faapiʻopiʻo lona loto;+

Ou te lē iloa foʻi se mea leaga.+

 5 O lē e faalilolilo ona tautala taufaaleaga i lana aumea,+

Ou te faafilemuina o ia.+

O lē e fia matamuamua ma loto faasausili,+

Ou te lē faapalepale iā te ia.+

 6 Ua ou vaai atu i ē e faamaoni o le lalolagi,+

Ina ia latou nonofo faatasi ma aʻu.+

O lē ua savali i le auala saʻo,+

O ia lava lea e auauna mai iā te aʻu.+

 7 E leai se tagata taufaavalea e nofo i loʻu fale.+

O lē e tautala i mea pepelo, e lē matuā faatumauina foʻi+

I oʻu luma.+

 8 I taeao uma, ou te faaumatia ai tagata amioleaga uma o le lalolagi,+

E soloiesea foʻi mai i le aai+ o Ieova tagata uma e faia mea e tigā ai.+