2 Korinito
6 I le galulue faatasi ma ia,+ ua matou ʻaiʻoi atu ai foʻi iā te outou, e aua neʻi talia le agalelei faifua o le Atua, ma misia ai lona fuafuaga.+ 2 Auā ua ia faapea mai: “I le taimi e talileleia ai, na ou faalogo ai iā te oe, ma i le aso o le faaolataga, na ou fesoasoani ai iā te oe.”+ Faauta! O le taimi tonu lenei e talileleia ai.+ Faauta! O le aso lenei o le faaolataga.+
3 Ua matou lē faia se mea e tausuai ai,+ ina ia aua neʻi taʻuleagaina la matou faiva;+ 4 ae i mea uma lava ua matou faailoa+ atu ai i matou o ni auauna a le Atua, e ala i le tumau i le tele o mea, i puapuaga, i le leai o ni mea, i faigatā,+ 5 i le sasaina, i le faafalepuipuiina,+ i fevesiaʻiga, i galuega fitā, i le lē moe i pō, ma i nisi taimi, e leai ni meaʻai,+ 6 i le amio mamā, i le poto, i le faapalepale,+ i le agalelei,+ i le agaga paia, i le alofa e lē faatagāfai,+ 7 i le tautala i le upu moni, i le mana+ o le Atua, i auupega+ o le amiotonu i le lima taumatau ma le lima tauagavale, 8 e ala i le faamamaluina ma le faalumaina, e ala i talaaga leaga ma talaaga lelei; e peiseaʻī o nisi e taufaasesē+ ae e faamaoni, 9 e pei e lē iloa ae ua lauiloa,+ e pei a oti, ae faauta foʻi! o loo ola i matou,+ e pei o ē ua aʻoaʻia+ ae e leʻi tuuina atu i le oti,+ 10 e pei e faanoanoa ae o loo olioli, e pei e matitiva ae ua matou faatamaoaigaina le toʻatele, e pei e leai ni mea ae o loo maua mea uma.+
11 O outou Korinito e, ua matou tautatala saʻo atu iā te outou, ma ua faalautele atu o matou loto+ iā te outou. 12 Matou te lē o taofiofia lo matou alofa iā te outou,+ a o outou lava ua taofia ai le faaalia mai o lo outou alofa faapelepele.+ 13 O lea, ou te tautala atu ai iā te outou e pei ona ou tautala i le fanau,+ ia outou faia e pei ona matou faia, ia faalautele atu o outou loto.
14 Ia aua neʻi amo faalēgatasi ma ē e lē talitonu.+ Auā e faapefea ona fesootaʻi le amiotonu ma le amioleaga?+ E faapefea ona mafuta le malamalama ma le pōuliuli?+ 15 E faapefea foʻi ona ōgatasi o Keriso ma Pelialo?*+ E faapefea ona tofusia+ le tagata faamaoni ma lē ua lē talitonu? 16 E faapefea foʻi ona feagai le malumalu o le Atua ma tupua?+ Auā o i tatou o le malumalu+ o le Atua soifua; e pei ona fetalai mai le Atua: “Ou te nofo faatasi ma i latou+ ma savavali faatasi ma i latou, e avea aʻu ma o latou Atua, e fai foʻi i latou ma oʻu tagata.”+ 17 “‘O le mea lea, ia ō ese ai mai iā i latou, ma ia outou vavaeese,’ ua fetalai mai ai Ieova, ‘ma aua tou te toe papaʻi atu i se mea e lē mamā’”;+ “‘ona ou talia ai lea o outou.’”+ 18 “‘E avea aʻu ma o outou tamā,+ e fai foʻi outou ma oʻu atalii ma oʻu afafine,’+ ua fetalai mai ai Ieova o Lē e ona le malosi uma lava.”+