10 Ona tali atu lea o Palaamo i le Atua moni: “Ua oo mai iā te aʻu le feʻau a Palako le atalii o Seporu, o le tupu o Moapi, e faapea, 11 ‘Vaai foʻi! Ua ō mai le nuu mai i Aikupito, ma ua latou ufitia le laueleele i le mamao e mafai ona vaai i ai se tasi.* Ia e sau ma faamalaia i latou mo aʻu.+ Atonu e mafai ai ona ou tau ma i latou ma tutuliese i latou.’”

11 Ona fai mai lea o Palako iā Palaamo: “O le ā lau mea ua fai iā te aʻu? Na ou amia oe ina ia faamalaia oʻu fili a o lenei ua e faamanuia iā i latou.”+

13 I lenā aso, na faitau ai le tusi a Mose a o faalogologo mai le nuu,+ ma na maua o tusia ai i le tusi, e lē tatau lava i tagata Amonī po o tagata Moapi+ ona ō mai i le faapotopotoga a le Atua moni,+ 2 auā latou te leʻi faafeiloa‘ia le fanauga a Isaraelu i ni meaʻai ma ni vai, ae na latou totogia Palaamo e faamalaia iā i latou.+ Peita‘i, na suia e lo tatou Atua le malaia i le faamanuiaga.+