39 Ona ave lea e Eleasaro le ositaulaga, o salefu ʻapamemea na avatu e i latou na susunuina, ma ua sasa ia mea ina ia ufiufi ai le fata faitaulaga, 40 e pei ona fetalai mai ai Ieova iā te ia e ala iā Mose. E fai lea ma faamanatuga i le fanauga a Isaraelu ina neʻi faalatalata atu se tagata ese e lē o se tasi o le fanau a Arona, e faamū mea manogi i luma o Ieova,+ ma aua neʻi pei se tasi o Koru ma ē na lagolagoina o ia.+

19 Ona fasia lea e le Atua o tagata Pete-semesa, auā ua latou vaavaai i le Atolaau a Ieova. Ua ia fasiotia foʻi tagata o le nuu e to‘a 50,070,* ona faavauvau ai lea o le nuu auā ua matuā toʻatele lava tagata ua fasiotia e Ieova.+

16 Peitaʻi, ina ua malosi o ia, ona faamaualuga lea o lona loto ma na iʻu ina malaia ai o ia. Ua ia gaoioi foʻi ma le lē faamaoni iā Ieova lona Atua, e ala i lona ulu atu i le malumalu o Ieova, ina ia faamū ai mea manogi i luga o le fata faitaulaga o mea manogi.+

18 Ona latou tetee atu lea i le tupu o Usia ma faapea atu iā te ia: “Usia e, e lē tatau ona e faamū mea manogi iā Ieova!+ E na o ositaulaga e tatau ona faamūina mea manogi, auā o i latou na tupuga mai iā Arona,+ o ē ua faapaiaina. Ia e alu i fafo mai i le malumalu, auā ua e gaoioi ma le lē faamaoni, ma e leai se mamalu e tuuina atu e Ieova le Atua iā te oe.”