33 Ia outou savavali atoatoa i le ala ua poloaʻi mai ai Ieova lo outou Atua iā te outou,+ ina ia outou ola ma taulau manuia ai, ma faaumiumi ai o outou aso i le laueleele lea o le a fai mo outou.+

5 Tau ina ia outou matuā faaeteete e tausia le poloaʻiga ma le Tulafono na tuuina atu e Mose le auauna a Ieova iā te outou,+ tou te alolofa iā Ieova lo outou Atua,+ savavali i ona ala uma,+ tausia ana poloaʻiga,+ pipii iā te ia,+ ma auauna iā te ia+ ma o outou lotoatoa ma o outou ola atoa.”+