32 Ua fai atu Tavita iā Saulo: “Aua neʻi lotovaivai se tasi ona o ia. O le a alu atu lau auauna e tau ma lenei Filisitia.”+

36 Na fasimate e lau auauna le leona ma le pea; ma o le a pei foʻi lenei Filisitia lē peritomeina o se tasi o i laʻua, auā ua ia faifai i* le itu taua a le Atua soifua.”+

45 Ona fai atu lea o Tavita i le Filisitia: “E te sau iā te aʻu ma le pelu ma tao+ e lua, ae ou te alu atu iā te oe i le suafa o Ieova o ʻau,+ o le Atua o itu taua a Isaraelu, o lē ua e faifai i ai.*+ 46 O le asō e tuuina mai ai oe e Ieova i loʻu lima,+ ou te fasia oe ma vavaeese lou ulu; ou te foaʻi atu foʻi i le asō o tino oti o le ʻautau a Filisitia i manufelelei o le lagi ma manufe‘ai o le laueleele; e iloa ai e tagata uma o le lalolagi e iai le Atua o Isaraelu.+