10 “O aso fo‘i tou te fiafia ai,+ o aso o a outou tausamiga,+ ma amataga o o outou masina, e tou te ilia ai pū i luga o a outou taulaga mū+ ma a outou taulaga faifaatasi;+ o le ilia o ia pū ua fai ma mea e manatua ai outou i luma o lo outou Atua. O aʻu o Ieova lo outou Atua.”+

28 Ua ave aʻe e Isaraelu uma le atolaau o le feagaiga a Ieova, ma le alalaga o le olioli+ ma leo o pū+ eseese, ma sumepalo, o loo tā leotetele meafaifaaili e iai uaua ma kitara.+

27 Ona fai atu lea o Esekia e ofo atu le taulaga mū i luga o le fata faitaulaga.+ Ina ua amata ona faia le taulaga mū, ona amata foʻi lea o le pese iā Ieova ma le tāina o meafaifaaili a Tavita le tupu o Isaraelu, faatasi ai ma le iliina o pū.