• 1 Samuelu 15:22, 23
    O le Tusi Paia—O le Faaliliuga a le Lalolagi Fou

    • 22 Ona fai atu lea o Samuelu: “Pe e sili ea le fiafia o Ieova i taulaga mū ma isi taulaga,+ i lo o le fiafia i le usiusitaʻi i le siʻufofoga o Ieova? Faauta! E sili atu le usiusitaʻi i lo o le taulaga,+ e sili atu foʻi le faalogo i lo o le ga‘o+ o mamoe poʻa; 23 auā e tutusa le fouvale+ ma le agasala o le faia o valovaloga faataulāitu,+ e tutusa foʻi le faamaualuga ma mana faataulāitu, ma le ifo i tupua.* Talu ai ua e teena le afioga a Ieova,+ e faapena foʻi ona ia teena oe mai i le avea ma tupu.”+

  • Mika 6:7, 8
    O le Tusi Paia—O le Faaliliuga a le Lalolagi Fou

    •  7 Pe e fiafia ea Ieova i le faitau afe o mamoe poʻa,

      Ma le faitau sefulu afe o tafega o suāuu?+

      Po ou te avatu ea loʻu atalii ulumatua mo laʻu fouvalega,

      O loʻu lava atalii mo laʻu agasala?+

       8 Le tagata e, ua ia fetalai mai iā te oe i le mea lelei.

      O le ā foʻi se mea ua finagalo* ai Ieova iā te oe?

      Tau ina ia faia o le mea ua tonu,+ ia fiafia i le faamaoni,*+

      Ma ia savavali ma le faamaulalo+ ma lou Atua!+