51 Faauta! ou te taʻu atu iā te outou se mea lilo paia: E lē momoe i tatou uma i le oti, ae o le a suia i tatou uma,+ 52 e vave lava e pei o le emo o le mata, i le taimi e ili ai le pū mulimuli. Auā o le a ilia le pū,+ ona toetutū mai ai lea o ē ua oti ma tino e lē pala, ma o le a suia i tatou.

16 auā e afio ifo le Alii lava ia mai i le lagi ma le alaga ma le leo o le agelu sili,+ ma le pū a le Atua, e muamua foʻi ona toetutū mai i latou ua feoti o autasi ma Keriso.+ 17 Mulimuli ane, ona aveina aʻe lea o i tatou o loo ola ma totoe, faatasi ma i latou i ao+ ina ia feiloaʻi ma le Alii+ i le ʻea; ma o le a tatou faatasi pea ma le Alii.+