Faataoto

 2 O le ā saʻu tala e fai atu iā te oe laʻu tama e?

O le ā saʻu upu iā te oe laʻu tama e, o lē na fanau mai i loʻu manava?

O le ā saʻu upu iā te oe laʻu tama e, o lē na ou tautō ai?+

 3 Aua e te avatu lou malosi i fafine,+

Pe mulimuli i ala e faaumatia ai tupu.+

 4 Lemueli e, e lē fetaui i tupu,

E lē fetaui i tupu le inuina o le uaina

Po o le faapea mai o taʻitaʻi, “O fea se ʻava malosi mo i matou?”+

 5 Ina neʻi inu ai se tasi ma galo ai le tulafono,

Ma teena ai aiā tatau a ē faatauvaa.

 6 Ia avatu le ʻava malosi i ē ua toetoe lava a feoti+

Ma le uaina i ē ua matuā mafatia.+

 7 Ia latou feinu ai ma galo ai lo latou matitiva;

Ia lē toe manatua e i latou o latou faafitauli.

 8 Ia e tautala mo ē e lē mafai ona tautatala mo i latou lava;

Ia finau mo aiā tatau a ē uma ua toetoe lava a feoti.+

 9 Ia e tautala ma faamasino ma le tonu;

Ia finau mo aiā tatau* a lē ua faatauvaa ma lē ua mativa.+

11 Ua faatuatuaina o ia e lana tane,

Ma e leai se mea e mativa ai lana tane.

12 Ua ia tauia lana tane i le lelei ae e lē o le leaga,

I aso uma o lona olaga.

13 Ua ia mauaina fulufulu mamoe ma ʻie lino;

E fiafia o ia e galue i ona lima.+

14 Ua pei o ia o vaa a se tagata faatauʻoa,+

E na te aumai ana meaʻai mai i se mea mamao.

15 E tula‘i fo‘i o ia a o pogisa pea,

Ma avatu meaʻai i lona aiga

Ma saunia mea mo ana auauna teine.+

16 Ua taula‘i lona mafaufau i se fanua ma ua ia faatauina mai;

Ua ia totō se togāvine mai i ana lava tupe.*

17 Ua sauniuni o ia mo galuega mamafa,*+

Ma ua ia faamalosia ona lima.

18 Ua ia iloa ua lelei ana fefaatauaʻiga;

E lē pē lana molī i le pō.

19 Ua tago atu ona lima i le laau ua tāʻai ai le filo,

Ma ua uu i ona lima le laau e faataamilo ai le filo.+

20 Ua faamafola atu lona alofilima i lē ua faatauvaa,

E na te tuu atu foʻi ona lima i lē ua mativa.+

21 E lē popole o ia i lona aiga ona o le kiona,

Auā e oofu lona aiga uma i ofu māfanafana.*

23 E lauiloa lana tane i faitotoʻa o le aai,+

Lea e saofafaʻi faatasi ai ma toeaina o le nuu.

24 Ua ia faia ma faatau atu ofu e faia i ‘ie lino*

Ma avatu fusipaʻu i ē e faatau‘oa.

25 Ua ofu o ia i le malosi ma le mamalu,

Ma ua vaai atu o ia i le lumana‘i ma le mautinoa.*

26 Ua tautala o ia ma le atamai;+

Ua i lona laulaufaiva le tulafono o le agalelei.*

27 E vaavaai o ia i mea fai a lona aiga,

Ma e lē ʻai o ia i meaʻai a le paiē.+

28 E tulaʻi lana fanau ma taʻua o ia e fiafia;

E tulaʻi foʻi lana tane ma viiviia o ia.

29 E toʻatele fafine lelei,

A o oe, ua sili lava oe iā i latou uma.

30 O foliga aulelei e mafai ona faasesēina ai, ma o le lalelei e mou atu fo‘i,*+

A o le fafine e mataʻu iā Ieova, e viia lava o ia.+

31 Ia avatu iā te ia le taui o mea e na te faia,*+

Ma ia viiviia o ia e ana galuega i faitotoʻa o le aai.+