O le Tusi Muamua o Nofoaiga a Tupu

28 Ua faapotopoto e Tavita o alii sili uma o Isaraelu i Ierusalema: o alii sili o ituaiga, o pule o vaegaʻau+ o loo auauna i le tupu, o taʻitaʻi o le taʻitoʻaafe, o taʻitaʻi o le taʻitoʻaselau,+ o alii sili o mea uma ma lafumanu a le tupu+ ma ona atalii,+ faatasi ma tagata aloaʻia, ma tagata totoa ma malolosi uma.+ 2 Ona tulaʻi lea o le tupu o Tavita ma faapea atu:

“Oʻu uso e, ma loʻu nuu, inā faalogologo mai ia. Sa naunau loʻu loto e fausia se fale e tuu ai le atolaau o le feagaiga a Ieova, ma o se mea e tū ai aao o lo tatou Atua,+ ma na ou sauniuni foʻi e fausiaina.+ 3 Ae ua fetalai mai le Atua moni iā te aʻu, ‘E te lē fausia se fale mo loʻu igoa,+ auā o oe o le tagata o taua, ma ua e faamaligiina foʻi toto.’+ 4 Ae na filifilia aʻu e Ieova le Atua o Isaraelu mai i le aiga uma o loʻu tamā e fai ma tupu o Isaraelu e faavavau,+ auā na ia filifilia Iuta e fai ma taʻitaʻi,+ ua filifilia foʻi le aiga o loʻu tamā+ mai i le aiga o Iuta, ma e mai i atalii o loʻu tamā, ua finagalo malie o ia e fai aʻu ma tupu iā Isaraelu uma.+ 5 E mai i oʻu atalii uma foʻi, (auā e toʻatele atalii na foaʻiina mai e Ieova iā te aʻu)+ na ia filifilia Solomona+ loʻu atalii e nofo i le nofoālii o le malo o Ieova, e pule iā Isaraelu.+

6 “Na ia fetalai mai iā te aʻu, ‘O lou atalii o Solomona e na te fausia loʻu fale ma oʻu lotoā, auā ua ou filifilia o ia e fai ma oʻu atalii, e fai foʻi aʻu ma ona tamā.+ 7 O le a ou matuā faatumauina lona malo e faavavau,+ pe afai e matuā maumauaʻi o ia e tausia aʻu poloaʻiga ma aʻu faamasinoga,+ e pei ona ia faia i le aso nei.’ 8 O lenei, ou te fai atu i luma o Isaraelu uma le faapotopotoga a Ieova, ma a o faafofoga mai foʻi lo tatou Atua: Ia outou matuā tausia ma saʻiliʻili i poloaʻiga uma a Ieova lo outou Atua, ina ia fai ai le nuu lelei+ ma o outou tofi, ma ia tuufaasolo atu e fai ma tofi o a outou fanau i aso uma lava, pe a mavae atu outou.

9 “O oe foʻi, Solomona e, loʻu atalii, ia e iloa le Atua o lou tamā ma ia e auauna atu iā te ia ma le lotoatoa*+ ma le lotofiafia,* auā e suʻesuʻe e Ieova loto uma lava,+ e silafia foʻi e ia o mafaufauga ma faanaunauga uma.+ Afai e te saʻili iā te ia, ona e maua lea o ia,+ ae afai e te tuua o ia, ona tuulafoaʻi lea o oe e ia e faavavau.+ 10 Vaai, o lenei ua filifilia oe e Ieova e fausia se fale e avea ma malumalu. Inā lototele ia ma fai le galuega.”

11 Ona tuuina atu lea e Tavita iā Solomona lona atalii o le ata+ o le faapaologa,+ o ona fale, o ona potu teuoloa, o ona potu pito i luga, o ona potu pito i totonu, ma le fale o le togisala.+ 12 Na ia tuuina atu iā Solomona le ata o mea uma na faaali mai e le agaga o le Atua iā te ia, mo lotoā+ o le fale o Ieova, o potu ʻai uma o loo siʻomia ai, o potu teuoloa o le fale o le Atua moni, ma potu teuoloa o mea ua faapaiaina;*+ 13 na ia avatu fo‘i faatonuga i le vaevaeina o ositaulaga+ ma sa Levī, mo galuega uma o le auaunaga i le fale o Ieova, ma ipu uma o le auaunaga i le fale o Ieova; 14 ua ia faatulaga fo‘i le mamafa o le auro e faaaogā mo ipu uma mo auaunaga eseese, ma le mamafa o le siliva mo ipu uma mo auaunaga eseese; 15 ua ia faatulaga foʻi le mamafa o tuugāmolī auro+ ma o latou molī auro, o le mamafa o tuugāmolī eseese ma o latou molī, ma le mamafa o tuugāmolī siliva, e tusa ai ma mea e faaaogā ai tuugāmolī ma molī ta‘itasi; 16 ua ia faatulaga foʻi le mamafa o le auro mo laulau o falaoa ua faaputuina,*+ o laulau ta‘itasi, faapea le siliva mo laulau siliva, 17 o tui, o ipu faaofuofu, o sioki o le auro māoʻi, ma le mamafa o tamaʻi ipu faaofuofu+ auro ta‘itasi, ma le mamafa o tamaʻi ipu faaofuofu siliva ta‘itasi. 18 Na ia faatulagaina fo‘i le mamafa o le auro ua faamamāina e fai ai le fata faitaulaga+ o mea manogi, ma le faatusa o le kariota,+ o kerupi+ auro ia o loo faaloaloa o la apaʻau ma faamalumalu i luga o le atolaau o le feagaiga a Ieova. 19 Ua faapea mai Tavita: “Na oo mai le aao o Ieova i luga iā te a‘u, ma ua ia faamalamalama mai le mea atoa, ina ia ou tusia+ ai faamatalaga uma o le ata+ atoa.”

20 Ua fai atu Tavita iā Solomona lona atalii: “Ia e lototele, ia faamalosi, ma ia fai le galuega. Aua e te fefe pe mataʻu, auā o loo faatasi ma oe Ieova le Atua, o loʻu Atua lea.+ E na te lē tuulafoaʻiina oe pe tuua foʻi oe,+ ae o le a faatasi ma oe seʻia māeʻa galuega uma mo le auaunaga o le fale o Ieova. 21 O vaega nei o ositaulaga+ ma sa Levī+ mo le auaunaga uma o le fale o le Atua moni. Ua iā te oe fo‘i tufuga tomai uma ua nofosauni e faia so o se galuega o le auaunaga,+ faapea foʻi ma alii sili+ ma le nuu atoa, o ē o le a faia au faatonuga uma.”