Iopu
10 “Ua ou ʻinoʻino i loʻu ola.+
Ou te faailoa atu oʻu popolega.
Ou te tautala atu foʻi i le tigā o loʻu loto!
2 Ou te fai atu i le Atua: ‘Aua e te taʻusalaina aʻu.
Ia e faailoa mai iā te aʻu, pe aiseā ua e finau mai ai iā te aʻu.
3 Pe e lelei iā te oe ona e faasauā,
Ma e ‘ino‘ino i galuega a ou aao+
A o e taliaina fautuaga a ē e amioleaga?
4 Pe e pei ou fofoga o mata o le tagata,
Po ua e silasila ea foʻi e pei o le vaai a le tagata?
5 Po ua pei ou aso o aso o le tagata,
Po ua pei foʻi ou tausaga o tausaga o le tagata,+
6 Ua e saʻili ai i loʻu sesē
Ma ua e su‘esu‘e ai pea i laʻu agasala?+
9 Ia manatua faamolemole, na e faia aʻu mai i le eleele,*+
Ae o lenei e te toe faafoʻi atu aʻu i le efuefu.+
10 Pe e te leʻi sasaaina atu ea aʻu e pei o le suāsusu
Ma faatoʻa aʻu e pei o le sisi?
12 Ua e foaʻiina mai iā te aʻu le ola ma le alofa faamaoni;
13 Ae ua faalilolilo ona e finagalo e faia nei mea.*
Ua ou iloa foʻi e mai iā te oe nei mea.
15 Afai ua ou sesē, oi talofa iā te aʻu!
16 Afai e ea i luga loʻu ulu, e te tuli iā te aʻu e pei o se leona+
Ma e te toe faaaogā lou mana e faatigā ai iā te a‘u.
17 E te aumaia molimau fou e faasaga iā te a‘u,
E faateleina foʻi lou toʻasā iā te aʻu,
Ua oo mai iā te aʻu lea mea faigatā ma lea mea faigatā.
18 Aiseā ea na e aumaia ai aʻu mai i le manava?+
Sa tatau ona ou oti a o le‘i iloa mai aʻu e se tasi.
19 Semanū e pei aʻu o sē ua lē ola mai;
Semanū e ave sa‘o a‘u mai i le manava i le tuugamau.’
20 Po ua lē itiiti ea oʻu aso?+ Ia tuu ai pea e le Atua a‘u;
Ia tuu o ia e liliuese ona fofoga mai iā te aʻu, seʻi oʻu mapu ane teisi*+
21 Ae ou te leʻi alu ese, ma ou te lē toe foʻi mai+
I le nuu o le pōuliuli tele,*+
22 I le nuu o le pogisa tele,
O se nuu o le pōuliuli tele ma le lē maopoopo,
Lea e oo lava i le malamalama ua pei o le pōuliuli.”