Iopu
32 Ona lē toe tali mai lea o ia tagata e toʻatolu iā Iopu, auā ua ia mautinoa i lona lava amiotonu.*+ 2 Ae ua matuā ita lava Eliu le atalii o Parakelu le tagata Pusa+ mai i le aiga o Rama. Ua matuā ita lava o ia iā Iopu ona o lona taumafai e taʻuamiotonuina o ia lava nai lo o le Atua.+ 3 Ua ita tele foʻi o ia i aumea e toʻatolu a Iopu ona ua latou lē mautali, ae ua latou taʻuleagaina le Atua.+ 4 Ua faatalitali Eliu e tali atu iā Iopu, auā e matutua atu i latou nai lo o ia.+ 5 Ina ua iloa e Eliu ua lē mautali ia tagata e toʻatolu, ona matuā ita ai lea o ia. 6 Ona tali mai lea o Eliu le atalii o Parakelu le tagata Pusa, ua faapea mai:
O lea, o lo‘u faaaloalo na ou lē tali atu ai,+
Ma e le‘i mafai ona ou ta‘u atu mea ua ou iloa.
7 Na ou manatu, ‘Ia tuu tagata matutua e tautatala,
Ma ia tuu ē ua tele tausaga e faailoa mai le atamai.’
8 Peita‘i, o le agaga i totonu o tagata,
O le mānava a Lē e ona le malosi uma lava, e latou te malamalama ai.+
10 Ona ou fai atu lea, ‘Inā faalogo mai ia iā te aʻu,
Ou te faailoa atu fo‘i mea ua ou iloaina.’
11 Faauta! na ou faatalitali mo sa outou tali;
Na ou faalogologo atu pea i o outou manatu+
Seʻia outou maua ni upu e tali mai ai.+
12 Na ou uaʻi toto‘a atu iā te outou,
Ae ua leai se tasi o outou ua faasa‘oina Iopu
Pe tali atu i ana upu.
13 O lea, aua neʻi outou faapea ane, ‘Ua matou maua le atamai;
O le Atua na aʻoaʻia o ia, ae e lē o se tagata.’
14 E na te leʻi fai mai ni upu e tetee mai ai iā te aʻu,
Ou te lē tali atu la iā te ia i a outou upu.
15 Ua fememea‘i i latou, ma ua lē toe tali mai;
Ua leai sa latou tala e toe fai atu.
16 Na ou faatalitali, ae ua lē toe tautatala mai i latou;
Ua tutū pea i latou, ua lē toe tali mai.
17 O aʻu lava ou te tali atu ai;
O aʻu lava ou te faailoa atu mea ua ou iloa,
18 Auā ua tumu aʻu i upu;
Ua faamalosi mai iā te aʻu le agaga o loo i totonu iā te aʻu.
20 Seʻi oʻu tautala atu ina ia ou mapu ai!
E tautala atu oʻu laugutu ina ia fai atu se tali.