Mika
5 “O lenei ua e selei iā te oe lava,
Le tama fafine e, o le aai ua osofaʻia;
Ua siʻomia i tatou e le fili.+
E latou te tā i le tootoo le alafau+ o le faamasino o Isaraelu.
O lē e sili ona itiiti ma e lē aofia i le faitau afe o Iuta,
E tupu mai iā te oe mo aʻu o lē o le a avea ma pule i Isaraelu,+
O lē e mai anamuā lona tupuaga, e mai i aso lava ua leva.
3 O lea, o le a tuua i latou e le Atua
Seʻia oo i le taimi e fanau ai le fafine o le a fanau.
O le a toe foʻi isi ona uso uma i le fanauga a Isaraelu.
4 O le a tulaʻi o ia ma leoleo le lafu i le malosi o Ieova,+
I le mamalu silisili o le suafa o Ieova lona Atua.
Pe a sau le Asuria e osofa‘ia lo tatou laueleele ma solia o tatou ‘olo malupuipuia,+
O le a tatou faatulaʻi aʻe ni leoleo mamoe se toʻafitu e faasagatau iā te ia, ioe, o ni perenise* se toʻavalu mai i tagata.
E na te laveaʻi iā i tatou mai i le Asuria,+
Pe a sau o ia e osofa‘i lo tatou atunuu ma solia o tatou laueleele.
7 O le a iai ē ua totoe o Iakopo i nuu e tele,
E pei o le sau mai iā Ieova,
E pei foʻi o timuga tetele i luga o vao,
E lē faamoemoe i tagata
Pe e faatalitali i atalii o tagata.
8 O le a iai ē ua totoe o Iakopo i atunuu,
I totonu o nuu e tele,
E pei o se leona i manu o le vaomatua,
E pei foʻi o se tama‘i leona* i lafu mamoe,
E alu ane ma osofa‘i ma saeia;
Ae e leai sē e laveaʻiina i latou.
9 E sii a‘e lou lima i luga o ē e tetee iā te oe,
Ma o le a fasiotia ou fili uma.”
10 “O lenā aso,” ua fetalai mai ai Ieova,
“Ou te fasimatea au solofanua ma ou faaleagaina au kariota.
11 Ou te faaumatia foʻi aai o lou atunuu,
Ma lepeti i lalo au mea malupuipuia uma.
12 Ou te faaumatia togafiti faataulāitu e te faia,*
E lē toe iai foʻi iā te oe o ni ē e faia faiga faaagaga.+
15 I loʻu ita ma loʻu to‘asā, ou te faaoo atu ai le tauimasui
I atunuu ua lē usiusitaʻi mai.”