Le Pese a Solomona
6 “O oe lenā e sili ona lalelei i fafine,
O fea ua alu i ai lau pele?
O fea ua afe ane i ai lau pele?
Se‘i o tatou saʻili iā te ia faatasi ma oe.”
2 “Ua alu ifo laʻu pele i lona togālaau,
O le togālaau o laau manogi,
E leoleo ai i togālaau
Ma tau mai lili.+
O loo fafaga lana lafu i laufanua o loo iai lili.”+
4 “Laʻu pele e,+ ua lalelei oe e pei o Tiresa,*+
Ua lalelei e pei o Ierusalema,+
E matagofie e pei o ʻautau ua faapotopoto faatasi i o latou tagāvai.+
O lou lauulu ua pei o lafu ʻoti
Ua ō ifo mai i mauga o Kiliata.+
6 O ou nifo ua pei o se lafu mamoe
Ua ō aʻe mai i le tāʻelega,
O i latou uma e tofu ma le masaga,
E leai se tasi o i latou ua leiloa sana tama.
9 Ae e na o le toʻatasi o laʻu lupe lea,+ o lē ua lē ponā.
O ia o le tama teine e toʻatasi a lona tinā.
O ia o le pele* a lē na fanaua o ia.
Na vāai teine iā te ia ma na latou faaamuia iā te ia;
O masiofo ma palake, na latou viiviia foʻi o ia.
10 ‘O ai lenei ua susulu* e pei o le tafa o ata,
E lalelei e pei o le masina ua atoa,
E mamā e pei o le pupula o le lā,
E matagofie e pei o ʻautau ua faapotopoto faatasi i o latou tagāvai?’”+
11 “Na ou alu ifo i le togālaau o laau ʻaina,+
E vaavaai i fuga o laau i le vanu,*
Ina ia iloa ai po ua fua mai le vine,
Po ua fuga mai foʻi laau o rimoni.
13 “Le Sulami e, inā foʻi mai ia, inā foʻi mai ia!
Inā foʻi mai ia, inā foʻi mai ia,
Ina ia o matou vaavaai atu ai iā te oe!”
“Aiseā e tou te fia maimoa ai i le Sulami?”+
“E pei o ia o le siva a ni ʻau se lua!”*