Hosea
E sau foʻi se tasi e pei o se aeto e faasagatau i le aiga* o Ieova,+
Auā ua latou solia laʻu feagaiga+ ma ua latou agasala e tusa ai ma aʻu tulafono.+
2 Ua latou alalaga mai iā te aʻu, ‘Lo matou Atua e, o i matou o Isaraelu, ua matou iloa oe!’+
3 Ua teena e Isaraelu mea lelei.+
Ia tuu atu o ia e tuliloaina e se fili.
4 Ua latou tofia tupu, ae e lē ala mai iā te aʻu.
Ua latou tofia perenise, ae ou te lē iloa i latou.
5 Samaria e, ua teena lau tamaʻi povi.+
Ua aasa tele loʻu ita iā i latou.+
O le ā le umi e latou te lē faamamāina ai i latou lava mai i lenei nofosala?
6 Auā o le mea lenei mai iā Isaraelu.
Sa faia e se tufuga ae e lē o le Atua moni lea;
O le a nutililiia le tamaʻi povi a Samaria.
E leai se ʻau e maua ai se saito matua;+
E lē maua foʻi se falaoamata mai i so o se tātupu.
Pe afai foʻi e fua mai, o le a ʻaina e tagata ese.+
8 O le a faatamaʻia Isaraelu.+
O le a iai nei i latou i isi atunuu,+
E pei o se ipu e lē manaʻo i ai se isi.
9 Auā ua latou ō aʻe i Asuria+ e pei o se asini vao ua fia tutoʻatasi.
Ua ō atu foʻi Efaraima i fafine talitane ua totogiina.+
10 E ui lava e latou te totogiina i latou mai i isi atunuu,
Ae o lenei ou te aoaoina faatasi i latou;
O le a amata ona tigāina+ i latou ona o le avega na faaee i ai e le tupu ma perenise.
11 Auā ua faateleina e Efaraima fata faitaulaga ina ia agasala ai.+
Ua avea i latou ma ana fata faitaulaga e agasala ai.+
12 Na ou tusia mo ia o mea e tele o laʻu tulafono,*
Ae ua latou manatu i ai o ni mea ese ia tulafono.+
13 Ua latou ofoina taulaga e fai ma meaalofa iā te aʻu, ma aai i aano o manu,
Ae e lē fiafia Ieova i na mea.+
O lenei, o le a ia manatua a latou mea sesē ma faasala i latou ona o a latou agasala.+
Ua latou toe liliu* i Aikupito.+
14 Ua galo iā Isaraelu Lē na faia o ia+ ma ua ia fausia malumalu,+
Ma ua faateleina e Iuta ona aai malupuipuia.+
Ae ou te auina atu le afi i ona aai,
Ma faatamaʻia ʻolo o aai taʻitasi.”+