I le faatonu o le ʻaufaimusika; ia faaaogā ma meafaifaaili e iai uaua mo nota maulalo. O le pese a Tavita.
6 Ieova e, aua e te aʻoaʻi mai iā te aʻu i lou toʻasā,
Aua e te faasaʻo mai iā te aʻu i lou toʻatamaʻi.+
2 Ieova e, ia e alofa mai auā ua ou vaivai.
Ieova e, ia e faamālōlōina aʻu+ auā ua gatete oʻu ponaivi.
3 Ioe, ua matuā popole lava loʻu loto,+
Ma ua ou fesili atu iā te oe, Ieova e, o le ā ea le umi?+
4 Ieova e, ia e toe foʻi mai ma laveaʻi iā te aʻu;+
Ia e faaola mai iā te aʻu ona o lou alofa faamaoni.+
5 Auā ua lē taʻua oe i le oti;
O ai ea e vivii atu iā te oe i le Tuugamau?+
6 Ua ou vaivai ona o loʻu ōi;+
Ua lofia loʻu moega i loimata i le pō atoa;
Ua pei o se vai le mea ou te moe ai ona o le tagi.+
7 Ua vaivai oʻu mata ona o loʻu tigā;+
Ua puaoa fo‘i ona o ē uma ua faasauā mai iā te aʻu.
8 Ō ese ia mai iā te aʻu o outou uma o ē e faia amioga leaga,
Auā e faafofoga mai Ieova i le leo o laʻu tagi.+
9 E faafofoga mai Ieova i laʻu talosaga mo lona finagalo malie;+
E talia foʻi e Ieova laʻu tatalo.
10 E faalumaina ma faaatuatuvale oʻu fili uma;
E faafuase‘i lava ona toe fo‘i i latou ma le māsiasi.+