Iopu
39 “Po ua e iloa ea le taimi e fananau ai ʻoti o le mauga?+
Po ua e vaai i ‘aila ae fanauina a latou tama?+
2 Pe e te faitauina ea masina e latou te totō ai?
Po ua e iloa ea le taimi e latou te fananau ai?
3 E latou te tootutuli pe a fananau a latou tama,
Ma uma ai o latou tigā.
4 E oo ina malolosi a latou tama ma tutupu a‘e i le fanua;
E latou te ō ma lē toe foʻi mai iā i latou.
6 Na ou tofia le fanua laugatasi o le toafa e fai ma mea e nofo ai
Ma le nuu oona e fai ma mea e mau ai.
7 E aamu o ia i le pisapisaō o le aai;
E lē lagona foʻi e ia le alaga a le ta‘ita‘i asini.
8 E fealuaʻi solo o ia i a‘ega mo ni ana meaʻai,
E na te saʻilia foʻi ituaiga o laau lanu meamata uma.
9 Pe e fia auauna ea iā te oe le povi poʻa o le vao?+
Pe e moe ea o ia i le pō i lou falepovi?
10 Pe e te nonoa ea se povi poʻa o le vao i se maea i le fanua ua suatia,
Pe e mulimuli ea iā te oe a o ia suatia* le vanu?
11 Pe e te faatuatuaina le tele o lona malosi
Ma pe e te tuu atu e na te faia lau galuega mamafa?
12 Pe e te faalagolago i ai e na te aumaia mea na e seleseleina,
Ma pe e na te faaputuina i mea e soli ai saito?
13 E apatā fiafia apaʻau o le iaena,
Ae pe e mafai ona faatusalia ona apaʻau ma fulufulu i le kasita?+
14 E na te tuuina ona fua i le eleele,
Ma ua ia faamāfanafanaina ai i le efuefu.
15 E galo iā te ia e ono solia e tagata,
E ono solia foʻi e manufeʻai o le vao.
16 E na te soonafai ana tama, e peiseaʻī e lē o ni ana tama;+
E lē fefe o ia ina ne‘i lē aogā ana galuega.
17 Auā ua lē tuuina atu e le Atua le atamai iā te ia,*
E na te leʻi avatua foʻi i ai sina malamalama.
18 Ae pe a apatā ona apaʻau ma tamo‘e,
E ʻataʻata o ia i le solofanua ma lē o loo tiʻetiʻe ai.
19 Pe na e avatua ea i le solofanua lona malosi?+
Pe e te ufiufia lona ua i fulufulu e lelelelea?
20 Pe e mafai ea ona e faatuuoso o ia e pei o le sē akerise?
O le mataʻutia o lona fogifogi e fefe ai.+
22 E ʻataʻata o ia i le mataʻu, e lē fefe foʻi o ia i se mea.+
E lē liliuese o ia ona o le pelu.
23 E tete le taga e tuu ai aū pe a papaʻi i lona itu,
E iila le tao ma le pelu pe a susulu i ai le malamalama.
25 Pe a ili le pū, ua ia faapea ane, ‘A!’
Ua sosogi e ia le taua mai i le mea mamao
Ma lagona le feʻei o ta‘ita‘i‘au ma le alaga o le taua.+
26 Po o lou malamalama ea ua ala ai ona lele maualuga le nesa,
Ma faaloloa atu ona apaʻau i le itu i saute?