Salamo

28 Ieova e, loʻu Papa, ou te valaau atu pea iā te oe;+

Aua neʻi e lē faafofoga mai iā te aʻu.

Afai e te lē tali mai iā te aʻu,

Ona pei lea o aʻu o i latou ua ō ifo i le lua.*+

 2 Ia e faafofoga mai i aʻu ʻaiʻoiga pe a ou tagi atu mo se fesoasoani,

Pe a sisii aʻe foʻi oʻu lima i le potu pito i totonu o lou fale‘ie paia.+

 3 Aua neʻi e aveina aʻu faatasi ma tagata amioleaga, o ē e faia mea e tigā ai,+

O i latou ia e tautatala i le filemu i a latou aumea, ae o loo leaga o latou loto.+

 4 Ia e taui iā i latou i mea na latou faia,+

E tusa foʻi ma a latou gaoioiga leaga.

Ia e toe taui iā i latou i galuega a o latou lima,

E tusa ma mea na latou faia.+

 5 Auā e latou te lē ua‘i i mea ua faia e Ieova,+

Po o galuega foʻi a ona aao.+

 6 Ia vivii atu iā Ieova,

Auā ua ia faafofoga mai i aʻu ʻaiʻoiga mo se fesoasoani.

 7 O Ieova o loʻu malosi+ ma loʻu talita;+

Ua faatuatua loʻu loto iā te ia.+

Ua ou maua lana fesoasoani, ma ua olioli ai loʻu loto,

O lea, ou te vivii atu ai iā te ia i laʻu pese.

 8 O Ieova o le malosi ia o lona nuu;

O ia o le ʻolo malosi e aumaia le faaolataga tele i lē ua ia faauuina.+