Faataoto

19 E sili le tagata mativa e savali ma le faamaoni,+

Nai lo o le tagata valea e tautala i pepelo.+

 2 E lē lelei le tagata e aunoa ma le poto,+

Ma e agasala le tagata e gaoioi e aunoa ma le mafaufau muamua.*

 3 O le valea o le tagata e taʻitaʻiina ai o ia i se ala sesē,

Ma ua matuā ita ai lona loto iā Ieova.

 4 O le tamaoaiga e tosina mai ai le tele o uō,

A o le tagata e mativa e tuulafoaʻia o ia, e oo lava i lana uō.+

 5 E lē sao mai i le faasalaga le molimau pepelo,+

Ma e lē sao foʻi o lē e pepelo i taimi uma.+

 6 E toʻatele e latou te sa‘ili le finagalo malie o se tamālii,*

Ma o tagata uma e uō ma le tagata e fai meaalofa.

 7 O uso uma o le tagata mativa ua ʻinoʻino iā te ia;+

E sili atu la ona teena o ia e ana uō!+

 9 E lē sao mai i le faasalaga le molimau pepelo,

Ma e fano foʻi lē e pepelo i taimi uma.+

10 E lē talafeagai se olaga maumea i le tagata valea;

E matuā lē talafeagai lava foʻi ona pule le auauna i perenise!+

11 O le tofā mamao o le tagata, e faagesegese ai lona ita,+

Ma e matagofie foʻi lona lē amana‘ia o se mea sesē.*+

12 O le toʻasā o le tupu e pei o le tagi a le leona,*+

A o lona finagalo malie e pei o le sau i luga o le mutia.

13 O le atalii valea e aumaia ai faafitauli i lona tamā,+

Ma o se avā e faamisa* e pei o se taualuga e tutulu pea.+

14 O le fale ma le tamaoaiga, o tofi ia mai i tamā,

A o le avā e faautauta, e mai iā Ieova lea.+

15 O le paiē e māfua ai le moegase,

Ma o le tagata paiē e fia ʻai o ia.+

16 O lē e tausia poloaʻiga, ua ia tausia lona ola;+

O lē e faatalalē i ona ala, o le a oti o ia.+

17 O lē e agalelei i lē e faatauvaa, ua nonō atu iā Ieova,+

Ma o le a Ia toe tauia o ia ona o ana gaoioiga.+

18 Ia aʻoaʻi lou atalii manū o iai se faamoemoe,+

Ma aua neʻi tuuaʻia oe pe a oo le oti iā te ia.*+

19 O lē e vave ona ita e totogi e ia le sala;

Afai e te taumafai e laveaʻi iā te ia, e te faia pea lava pea lenā mea.+

20 Ia faalogo i le fautuaga ma talia le aʻoaʻiga,+

Ina ia e atamai ai i aso o i luma.+

21 E tele fuafuaga i le loto o le tagata,

A o le finagalo o Ieova e faataunuuina lava.+

22 O le mea manaia i le tagata, o lona alofa faamaoni lea;+

Ma e sili atu o lē e mativa nai lo o le tagata pepelo.

23 O lē e mataʻu iā Ieova e ola pea o ia.+

E lelei lana moe, ma e lē oo se mea leaga iā te ia.+

24 O le tagata paiē e natia lona lima i le ipu faaofuofu ua iai meaʻai,

Ae ua lē manaʻo o ia e tuu se meaʻai i lona gutu.+

25 Ia tā i lē e tauemu,+ ina ia iai i lē ua leai se poto masani le utaga mamao,+

Ma ia aʻoaʻi atu i lē ua malamalama, ina ia faateleina ai lona poto.+

26 O lē e agaleaga i lona tamā ma tuliese lona tinā,

O le atalii lea e tupu ai le mā ma le faalumaina.+

27 Loʻu atalii e, afai e te lē toe faalogo i le aʻoaʻiga,

E te alu ese mai i upu o le poto.

28 O le molimau e lē aogā e faifai i le faamasinotonu,+

Ma o gutu o ē e amioleaga e folo patatō mea leaga.+

29 Ua saunia faamasinoga mo ē e tauemu,+

Ma tā i papatua o tagata vālea.+