O le Tusi i Kerisiano Eperu
1 Na fetalai mai le Atua i aso anamua i o tatou augātamā e ala i perofeta, i le tele o taimi ma le tele o auala eseese.+ 2 Ae ua fetalai mai o ia iā i tatou i iʻuga o nei aso e ala i se Atalii,+ o lē ua ia tofia e na te mauaina mea uma lava,+ ma na ia faia ai faiga o mea a le lalolagi* e ala iā te ia.+ 3 Ua ia faaatagia mai le mamalu o le Atua+ ma o ia foʻi o lona faatusa,+ ma ua ia faatumauina mea uma e ala i lana afioga mamana. Ina ua uma ona ia faamamāina a tatou agasala,+ ona nofo lea o ia i le itu taumatau o lana Afioga Mamalu o i lugā.+ 4 O lea, ua avea ai o ia ma lē e sili aʻe i agelu,+ auā ua maua e ia le suafa e sili i lo o i latou na.+
5 Auā foʻi, o ai se isi agelu na fetalai atu i ai le Atua e faapea: “O oe o loʻu atalii; o le aso nei ua avea ai aʻu ma ou tamā”?+ E lē gata i lea: “E fai aʻu ma ona tamā, e fai foʻi o ia ma oʻu atalii”?+ 6 Ae pe a ia toe aumaia lana Ulumatua+ i le lalolagi, ona ia fetalai mai lea: “Ia ifo uma atu agelu a le Atua iā te ia.”
7 Ua fetalai foʻi o ia e faatatau i agelu: “Ua ia faia ana agelu o agaga, ma ana auauna*+ o se afi mumū.”+ 8 Ae ua faapea mai o ia e faatatau i le Atalii: “O le Atua o lou nofoālii+ lea e faavavau, faavavau lava, ma o le tootoo o lou Malo, o le tootoo o le amiotonu* lea. 9 Ua e fiafia i le amiotonu ae ua e ʻinoʻino i le solitulafono. O le mea lea ua faauu ai oe e le Atua,+ o lou lava Atua i le suāuu o le olioli e sili atu i lo o isi tupu.”+ 10 E lē gata i lea: “O oe le Alii e, na e faataatia le faavae o le lalolagi i le amataga, ma o le lagi o galuega ia a ou aao. 11 E fano ia mea, a o oe e te tumau pea; ma e pala ia mea uma e pei o se ofu, 12 ma e te taataʻai na mea e pei o se ʻie pulupulu, e pei o se ofu tele, ma e suia na mea. A o oe e te lē sui lava, e leai foʻi se iʻuga o ou tausaga.”+
13 Ae o ai se isi agelu na fetalai atu ai o ia e faapea: “Ia e nofo i loʻu itu taumatau seʻia ou faia ou fili ma mea e tū ai ou vae”?+ 14 Pe e lē o agaga uma ea i latou mo le auaunaga paia,*+ ua aauina atu e auauna mo i latou o ē o le a maua le faaolataga?