Esekielu
15 Ua toe oo mai le afioga a Ieova iā te aʻu e faapea: 2 “Le atalii e o le tagata, o le ā le mea e ese ai le ogālaau o le vine mai i ogālaau o isi laau po o lālā o laau o le vaomatua? 3 Pe e mafai ona faaaogā se pou mai i lea laau e fai ai se galuega? Pe e faia mai ea e tagata i lea laau se pine e tautau ai mea? 4 Faauta! e lafo i le afi e fai ma fafie, ma e susunuina i le afi ona pito e lua, e mū foʻi le ogatotonu. Pe e toe aogā ea lea laau i se galuega? 5 E leʻi aogā e faia ai se galuega a o atoa. E sili atu la ona lē aogā pe a susunuina ma mū i le afi!”
6 “O lea, o le fetalaiga lenei a le Alii Pule Silisili Ese o Ieova: ‘E pei o le ogālaau o le vine mai i laau o le vaomatua, lea ua ou tuuina atu e fai ma fafie mo le afi, e faapea foʻi ona ou faia i tagata o loo nonofo i Ierusalema.+ 7 Ua ou teena i latou. Ua latou sao mai i le afi, ae ua faaumatia i latou i se isi afi. Ona outou iloa ai lea o aʻu lava o Ieova, pe a ou teena i latou.’”+
8 “‘O le a ou faagaogaoina le atunuu+ talu ai ua latou lē faamaoni,’+ ua fetalai mai ai le Alii Pule Silisili Ese o Ieova.”