Salamo
I le faatonu o le ʻaufaimusika o le “Lili e Faamanatu Ai.” O le Mikitamu.* O le salamo a Tavita. E aʻoaʻo atu ai. Ina ua tau o ia ma Arama-naalaima ma Arama-Sopa, ma ina ua toe foʻi mai Ioapo ma fasiotia tagata Etoma e toʻa 12,000 i le vanu o Masima.+
60 Le Atua e, na e teena i matou; na e faataapeapeina i matou.+
Na e toʻatamaʻi iā i matou; ae ia e toe talia i matou!
2 Ua e lūlūina le laueleele; ua e faamavaevaeina foʻi.
Ia e faaleleia mea ua mavetevete, auā ua solo i lalo.
3 Ua e faapogaia lou nuu e mafatia i puapuaga.
Ua e faainu i matou i uaina e tautevateva ai.+
5 Ina ia laveaʻiina ai o ē e pele iā te oe,
Ia e faaola i matou i lou aao taumatau ma ia tali mai iā i matou.+
6 Ua fetalai mai le Atua Paia:*
“Ou te fiafia lava aʻu, ou te tuuina atu Sekema e fai ma tofi,+
7 O aʻu e ona Kiliata, e faapea fo‘i Manase,+
O Efaraima foʻi o le puloutau* mo loʻu ulu;
O Iuta o le tootoo lea o laʻu ta‘ita‘i‘au.+
8 O Moapi o le tanoa ou te mulumulu ai.+
Ou te lafoina atu oʻu seevae iā Etoma.+
Ou te alaga atu i le manumalo iā Filisitia.”+
9 O ai e na te avatua aʻu i le aai ua siʻosiʻomia?*
O ai foʻi e na te taʻitaʻi atu aʻu e oo i Etoma?+