Ieremia
14 O le afioga lenei a Ieova na oo mai iā Ieremia e faatatau i lāmala:+
2 Ua faavauvau Iuta,+ ma ua solofa i lalo ona faitotoʻa.
Ua lafoina i latou i le eleele,
Ma ua alu aʻe foʻi le alaga mai i Ierusalema.
3 Ua aauina atu e o latou matai a latou auauna* mo ni vai.
Ua latou ō atu i vaieli* ae e leʻi maua ai ni vai.
Ua toe foʻi mai i latou ma a latou fagu e leai ni vai o iai.
Ua faamāina i latou ma ua lē fiafia,
Ua latou ufiufi fo‘i i o latou ulu.
4 Ona ua māvaevae le palapala
Auā ua leai ni timuga i le laueleele,+
Ua atuatuvale le ʻaufaifaatoʻaga ma ufiufi o latou ulu.
5 E oo lava i le ʻaila i le fanua ua tuua e ia lana tama faato‘ā fanau
Auā ua leai se vao.
6 Ua tutū asini o le vao i luga o aʻega taalaelae.
Ua latou selasela e pei o taʻifau o le vao;
Ua puaoa la latou vaai ona ua leai se vao e aai ai.+
Auā ua tele lava a matou gaoioiga lē faamaoni,+
Ua matou agasala ai iā te oe.
8 Le faamoemoega o Isaraelu e, o lona Faaola+ i taimi o puapuaga,
Aiseā ua pei ai oe o se tagata ese i le nuu,
Ua pei foʻi o se tagata malaga e na ona afe ane e mālōlō i le pō?
9 Aiseā ua pei ai oe o se tagata ua fememeaʻi,
E pei foʻi o se tagata malosi ua lē mafaia ona faaola?
Aua e te tuulafoaʻiina i matou.
10 O le mea lenei ua fetalai mai ai Ieova e faatatau i lenei nuu: “Ua latou fiafia e feoaʻi solo;+ ua latou lē taofia o latou vae.+ O lea, ua lē fiafia ai Ieova iā i latou.+ Ua manatua ai nei e ia a latou mea sesē, ma e faasalaina i latou ona o a latou agasala.”+
11 Ona fetalai mai lea o Ieova iā te aʻu: “Aua e te tatalo mai mo se lelei o lenei nuu.+ 12 Pe a latou anapopogi, ou te lē faalogo atu i a latou ʻaiʻoiga,+ ma pe a latou ofoina mai taulaga mū ma taulaga i meaʻai,* ou te lē fiafia i ai,+ auā ou te faaumatia i latou i le pelu, o le oge, ma le faamaʻi.”+
13 Ona ou faapea atu ai lea: “Auē, Ieova e, le Alii Pule Silisili Ese! Ua fai mai le ʻauperofeta iā i latou, ‘E tou te lē iloa atu le pelu, e leai foʻi se oge e oo iā te outou, ae ou te avatua iā te outou le filemu moni i lenei mea.’”+
14 Ona fetalai mai lea o Ieova iā te aʻu: “Ua vavalo perofeta i mea pepelo i loʻu igoa.+ Ou te leʻi aauina atu i latou, pe poloaʻi atu iā i latou pe tautala atu foʻi iā i latou.+ Ae ua latou vavalo atu iā te outou i le faaaliga pepelo, o le valovaloga e lē aogā, ma le faaʻoleʻole o o latou lava loto.+ 15 O le mea lea ua fetalai mai ai Ieova e faatatau i perofeta o ē o loo vavalo i loʻu igoa, e ui ou te leʻi aauina atu i latou, ma o ē ua faapea mai e leai se pelu po o se oge e oo mai i lenei nuu: ‘E faaumatia lava na perofeta i le pelu ma le oge.+ 16 A o le nuu o loo latou vavalo atu i ai, e lafoa‘iina i latou i auala o Ierusalema ona o le oge ma le pelu, e leai se tasi e tanuina i latou,+ o i latou, o a latou avā, o o latou atalii, po o o latou afafine, auā ou te sasaa atu iā i latou le malaia e tatau mo i latou.’+
17 “O le upu lenei e te fai atu iā i latou,
‘Ia tafe ifo loimata i oʻu mata i le pō ma le ao, ma aua lava neʻi mapu i latou,+
Auā ua matuā tu‘imomomoina le tama teine taupou o loʻu nuu,+
Ma ua matuā ogaoga lona manuʻa.
Afai foʻi ou te sau i le aai,
Ua ou vaaia faamaʻi e māfua ona o le oge!+
Auā ua feoaʻi solo le perofeta ma le ositaulaga i se nuu e la te lē iloa.’”+
19 Po ua e matuā teena ea Iuta, po ua e inosia foʻi Siona?+
Aiseā ua e taia ai i matou, ina ia lē mafai ona faamālōlōina i matou?+
Sa matou faamoemoe i le filemu, ae e leai se mea lelei na maua,
Sa matou faamoemoe i le taimi e faamālōlō ai, ae ua matou lagona le mataʻu!+
20 Ieova e, ua matou iloa a matou amioga leaga,
O le mea sesē fo‘i a o matou augātamā,
Auā ua matou agasala atu iā te oe.+
Ia e manatua, ma aua e te tatalaina lau feagaiga ma i matou.+
22 Pe e mafai ea e se tupua e lē aogā a atunuu ona faatotōina ifo le timu,
Pe e mafai foʻi e le lagi lava ia ona tuuina mai ni timuga tetele?
Pe e lē na o Oe ea e mafai ona faia lenei mea, Ieova e, lo matou Atua?+
E matou te faamoemoe atu iā te oe,
Auā e na o oe lava na e faia nei mea uma.