Faataoto

 2 I le tumutumu o mea maualuluga,+ i tafatafa ane o le ala,

Ua tū ai i fetaula‘iga o auala.

 3 I autafa o faitotoʻa e ulu atu ai i le aai,

I le mea e ui atu i faitotoʻa o le aai,

O loo alaga leotele atu ai pea le atamai:+

 4 “Tagata e, ua ou valaau atu iā te outou;

Ua ou alaga leotele atu i tagata uma.*

 5 O outou ua leai se poto masani, ia aʻoaʻoina le utaga mamao;+

O outou foʻi ua vālea, ia maua se lotomalamalama.

 6 Ia faalogo, auā e tāua mea ua ou tautala atu ai,

E tautala oʻu laugutu i le mea ua tonu;

 7 Auā e tautala lemū loʻu gutu i le upu moni,

Ma e inosia e oʻu laugutu le amioleaga.

 9 E saʻo uma ia upu i lē ua iai le faautaga loloto

Ma e tonu foʻi i ē ua maua le poto.

10 Ia outou talia laʻu aʻoaʻiga ae e lē o le siliva,

Ma le poto nai lo o le auro e sili ona lelei,+

11 Auā e sili le atamai nai lo o maa tāua;*

E lē mafai ona faatusaina i isi mea uma e manaʻo i ai se tasi.

12 O aʻu o le atamai, ua ou mau faatasi ma le utaga mamao;

Ua ou maua le poto ma le mafaufau lelei.+

14 Ua iā te aʻu fautuaga lelei ma le atamai aogā;+

O a‘u e ana le malamalama+ ma le mana.+

15 Ona o aʻu, ua pule ai pea tupu,

Ma faia ai pea e alii sili poloaʻiga amiotonu.+

16 Ona o aʻu, ua pule ai pea perenise,

Ma faamasino ai tamālii i le amiotonu.

17 Ou te alofa i ē e alolofa iā te aʻu,

Ma o ē e saʻili iā te aʻu, e latou te mauaina aʻu.+

18 Ua iā te aʻu ʻoa ma le mamalu,

O ‘oa e tumau* ma le amiotonu.

19 E sili atu laʻu fua i le auro, e oo lava i le auro ua faamamāina,

O meaalofa foʻi ou te avatua, e sili atu i le siliva e aupito lelei.+

20 Ou te savali i le ala o le amiotonu,

I le ogatotonu o auala o le faamasinotonu;

21 Ou te avatua se tofi tautele i ē e alolofa mai iā te aʻu,

Ma ua ou faatumuina o latou fale teuoloa.

22 O Ieova na faia aʻu, o le amataga o lona ala,+

O lana galuega muamua mai i aso anamuā.+

23 Na faatūina aʻu mai anamuā,+

Mai i le amataga, a o leʻi faia le lalolagi.+

24 Na fanaua aʻu* a o leʻi iai ni vai loloto,+

A o leʻi iai foʻi ni vaipuna e puna tele mai ai vai.

25 Na fanaua aʻu a o leʻi faavaeina mauga,

A o leʻi iai foʻi ni aʻega,

26 A o leʻi faia e ia le laueleele ma ona laufanua

Po o uluaʻi potopotoi o palapala o le laueleele.

27 Na ou iai ina ua ia saunia le lagi;+

Ina ua ia faailoga le tuaoi* i le vā o le lagi ma le sami,+

28 Ina ua ia faatumauina* o ao i lugā,

Ina ua ia faavaeina vaipuna o vai loloto,

29 Ina ua ia faia le tulafono o le sami

Ina ia aua neʻi sopoʻia e le suāsami lana poloaʻiga,+

Ina ua ia faia foʻi faavae o le lalolagi,

30 Na ou faatasi ma ia o se tufuga poto.+

Na avea aʻu ma lē na ia matuā fiafia i ai+ i lea aso ma lea aso;

Na ou olioli foʻi i ona luma i taimi uma;+

31 Na ou olioli i le laueleele lea na ia saunia ina ia ‘ainā,

Ma sa ou matuā fiafia i le fanau a tagata.

32 O lenei, la‘u fanau e, inā faalogo mai ia iā te aʻu;

Ioe, e fiafia i latou e tausia oʻu ala.

33 Ia outou faalogo i aʻoaʻiga+ ma atamamai ai,

Aua lava tou te teena.

34 E fiafia le tagata e faalogo mai iā te aʻu

E ala i le usupō mai* i oʻu faitotoʻa i lea aso ma lea aso,

E ala foʻi i le faatalitali i pou o oʻu faitotoʻa;

35 Auā o lē e na te maua aʻu e na te maua foʻi le ola,+

Ma maua le finagalo malie o Ieova.

36 A o lē e na te lē amana‘ia aʻu, ua faatigā iā te ia lava,

Ma o i latou e ʻinoʻino iā te aʻu, ua latou naunau i le oti.”+