Salamo

34 Ou te vivii atu iā Ieova i taimi uma;

E lē aunoa foʻi ona viiga i oʻu laugutu.

 2 Ou te mitamita e faatatau iā Ieova;+

E faalogo ai o ē e agamalu ma olioli ai i latou.

 3 Ia outou faasilisilia Ieova faatasi ma aʻu;+

Seʻi o tatou faaeaina faatasi lona suafa.

 5 O ē na vāai atu iā te ia, na fiafia i latou;

E lē mafai foʻi ona māsiasi o latou mata.

 7 E tolauapi le agelu a Ieova e siʻosiʻomia ai i latou e matataʻu iā te Ia,+

Ma e na te laveaʻiina i latou.+

 8 Inā outou tofotofo ia ma iloa ai e lelei Ieova;+

E fiafia foʻi le tagata e sulufaʻi atu iā te ia.

 9 Ia matataʻu iā Ieova, o outou uma o ona tagata paia,

Auā e leai se mea e matitiva ai i latou e matataʻu iā te ia.+

10 E oo lava i tamaʻi leona malolosi* e fia aai i latou,

A o i latou e saʻili iā Ieova, e leai se mea lelei e matitiva ai i latou.+

11 Oʻu atalii e, inā ō mai ia ma faalogo mai iā te aʻu;

Ou te aʻoaʻo atu iā te outou ina ia matataʻu iā Ieova.+

12 O ai se tasi o outou e fiafia i le ola

Ma e naunau e vaai i le tele o aso lelei?+

13 Ia leoleo lou laulaufaiva mai i mea leaga,+

Ma ou laugutu mai i le tautala i mea taufaasesē.+

14 Ia liliuese mai i mea leaga ma fai mea lelei;+

Ia saʻili le filemu ma tausisi i ai.+

15 O loo silasila mai fofoga o Ieova i ē e amiotonu,+

Ma e faafofoga mai foʻi ona taliga i la latou alaga mo se fesoasoani.+

16 Ae e faasagatau atu fofoga o Ieova i ē o faia mea leaga,

Ina ia lē toe manatua i latou i le lalolagi.+

17 Ua alalaga atu ē e amiotonu ma ua faafofogaina e Ieova;+

Ua ia laveaʻiina foʻi i latou mai i o latou mafatiaga uma.+

18 E latalata mai Ieova i ē e lotomomomo;+

E faaola e ia o ē ua lotonutimomoia.+

19 E tele puapuaga o le tagata amiotonu,+

Ae e laveaʻiina e Ieova o ia mai i na mea uma.+

20 E leoleo e Ia o ona ivi uma;

E leai lava se ivi e tasi ua gau.+

21 E fasiotia i le mala lē ua amioleaga;

E taʻusalaina foʻi o ē ua ʻinoʻino i lē e amiotonu.

22 E laveaʻiina e Ieova ola o ana auauna;

E lē taʻusalaina foʻi i latou uma e sulufaʻi atu iā te ia.+