Salamo
I le faatonu o le ʻaufaimusika; ia faaaogā ma meafaifaaili e iai uaua. O le Masekila.* O le salamo a Tavita.
55 Le Atua e, ia e faafofoga mai i laʻu tatalo,+
Aua foʻi e te lē amanaʻia laʻu talosaga atu mo lou alofa mutimutivale.*+
2 Ia e faafofoga mai ma tali mai iā te aʻu.+
Ua ou fememeaʻi i loʻu popole,+
Ma ua ou atugalu ai,
3 Ona o faamatalaga a le fili
Ma omiga mai i lē e amioleaga.
Auā ua latou faaoo mai iā te aʻu o mea e tigā ai,
Ma ua latou ʻinoʻino pea iā te aʻu ona o lo latou ita.+
5 Ua oo mai iā te aʻu le mataʻu ma le gatete,
Ma ua ou matuā gatete lava.
6 Ua ou faapea ifo: “E! pe ana iai ni oʻu apaʻau e pei o se lupe,
Ou te lele ese ma ou nofo i se mea saogalemu.
7 Faauta! Ou te sola mamao ese lava.+
Ou te nofo ai foʻi i le toafa.+ (Selā)
8 Ou te faatopetope atu i le mea ou te sao ai
Mai i le matagi malosi ma le afā.”
9 Ieova e, ia e faafenuminumiaʻi i latou ma faalēaogā a latou taupulepulega,*+
Auā ua ou vaaia faiga sauā ma femisaaʻiga i le aai.
10 Ua latou savavali faataamilo i le pā i le ao ma le pō;
Ua iai i totonu le amioleaga ma faafitauli.+
11 Ua iai foʻi le malaia i totonu o le aai;
Ua lē ō ese lava mai i lona nofoaga faitele o sauāga ma faiga taufaasesē.+
E lē o se fili na tetee mai iā te aʻu;
Semanū e mafai ona ou lafi mai iā te ia.
14 Na māfana la ta faauōga;
Na masani foʻi ona ta savavali faatasi ma tagata e toʻatele i le fale o le Atua.
15 Ia oo iā i latou le faatafunaga!+
Ia latou ō ifo foʻi i le Tuugamau* a o feola;
Auā ua iai le leaga i mea e latou te nonofo ai, ma i totonu o i latou.
17 I le afiafi, i le taeao, ma le aoauli, ou te popole ma ou ōi,*+
Ma e faafofoga mai o ia i loʻu leo.+
18 E na te laveaʻi* ma faatoʻafilemu aʻu mai i ē ua faasagatau mai iā te aʻu,
Auā ua matuā toʻatele i latou ua faasagatau mai iā te aʻu.+
19 E faafofoga mai le Atua ma tali mai iā i latou,+
O Lē o loo afio i le nofoālii talu mai anamuā.+ (Selā)
E mumusu i latou e faia ni suiga,
O ē e lē matataʻu i le Atua.+
E sili atu foʻi ona mālū ana upu nai lo o le suāuu,
Peitaʻi ua pei o ni pelu maʻai.+
E na te lē tuua lava le tagata amiotonu ia tautevateva.+
23 Ae o oe le Atua e, e te ave ifo i latou i le lua e sili ona loloto.+
O tagata ua nofosala i le toto ma ē e taufaaʻoleʻole, e feoti i latou a o leʻi taitai o latou olaga.+
A o aʻu, ou te faatuatua atu iā te oe.