Sakaria

12 O se feʻau mai i le Atua:

2 “O aʻu lava, ou te faia Ierusalema ma ipu* e tautevateva ai nuu uma o loo iai i ona itu uma; ma o le a siʻosiʻomia Iuta atoa ma Ierusalema e le fili.+ 3 O lea aso, ou te faia ai Ierusalema ma maa mamafa i nuu uma. O i latou uma e siiina le maa o le a matuā manunu‘a i latou;+ ma e faapotopoto atunuu uma o le lalolagi e tetee atu iā te ia.+ 4 O lea aso,” ua fetalai mai ai Ieova, “ou te taia ai solofanua uma i le atuatuvale ma ē e tiʻetiʻe ai i le valea. E vaavaai oʻu mata i le aiga o Iuta, ae ou te taia solofanua uma a le nuu i le tauaso. 5 Ona faapea ifo lea o alii pule* o Iuta i o latou loto, ‘Ua fai ē o loo nonofo i Ierusalema ma o tatou malosi ona o Ieova o ʻau lo latou Atua.’+ 6 O lea aso, ou te faia ai alii pule o Iuta e pei o se afi i le mea ua iai fafie, e pei foʻi o se sulu ua mū i fusi saito ua seleseleina,+ ma e latou te faatamaʻia nuu uma o loo si‘osi‘omia i latou i le itu taumatau ma le itu tauagavale;+ ma e toe nonofo tagata o Ierusalema i lo latou aai* o Ierusalema.+

7 “E faaolaina muamua e Ieova faleʻie o Iuta, ina ia lē sili atu ai le matagofie* o le aiga o Tavita, ma le matagofie* o ē e nonofo i Ierusalema nai lo o Iuta. 8 O lea aso, o le a avea ai Ieova ma lē e puipuia o ē o loo nonofo i Ierusalema;+ o lea aso, o lē o loo tautevateva* iā i latou o le a pei o ia o Tavita, o le aiga foʻi o Tavita o le a pei o le Atua, e pei o le agelu a Ieova o loo muamua atu i o latou luma.+ 9 O lea fo‘i aso, ou te maumauaʻi ai e faaumatia atunuu uma o le a ō mai e tau ma Ierusalema.+

10 “Ou te liligi ifo i le aiga o Tavita ma luga o ē o loo nonofo i Ierusalema le agaga o le taliaina ma le talosaga, ma e latou te vāai atu i lē na latou tuʻia,+ e latou te tagituʻi ona o ia e pei ona tagituʻi i se atalii e toʻatasi; o le a latou matuā faavauvau ona o ia e pei ona faavauvau i se atalii ulumatua. 11 O lea aso, o le a iai le matuā tagituʻi i Ierusalema, e pei o le tagituʻi i Atatarimoni i le fanua laugatasi o Mekito.+ 12 O le a tagituʻi le atunuu, o aiga taʻitasi e na o i latou; o tagata o le aiga o Tavita e na o i latou, ma o latou fafine e na o i latou; o tagata o le aiga o Natano+ e na o i latou, ma o latou fafine e na o i latou; 13 o tagata o le aiga o Levi+ e na o i latou, ma o latou fafine e na o i latou; o le aiga o Semi+ e na o i latou, ma o latou fafine e na o i latou; 14 o aiga uma ua totoe, o aiga taʻitasi e na o i latou, ma o latou fafine e na o i latou.