Iopu

17 “Ua mou atu loʻu malosi, ua mavae atu oʻu aso;

Ua faatalitali mai le fanuatanu mo a‘u.+

 2 Ua siʻomia aʻu e tagata faaʻamuʻamu,+

Ma ua vaai pea oʻu mata i a latou amioga fouvale.

 4 Auā ua e punitia o latou loto ina ia lē faautauta;+

O le mea lea ua e lē faaeaina ai i latou.

 5 Ua ia fai atu i ana aumea ina ia ave ni a latou mea,

Ae ua fole mata o lana lava fanau.

 6 Ua ia faia aʻu o se mea inosia* i nuu,+

Ma ua latou tuufeanu mai foʻi i oʻu mata.+

 7 Ua puaoa oʻu mata ona o le puapuagatia,+

Ua pei foʻi oʻu lima ma vae o se ata lafoia.

 8 Ua vaavaai ma le ofo tagata amio saʻo i lenei mea,

E oo foʻi i lē e lē sala, ua ita i le tagata amioleaga.*

 9 E taofimau pea le tagata amiotonu i lona ala,+

Ma o lē e mamā ona lima, e faateleina pea lona malosi.+

10 Peitaʻi, inā ō mai ia ma toe amata la outou finauga,

Auā ou te leʻi maua lava se tasi e atamai iā te outou.+

11 Ua mavae atu oʻu aso;+

Ua faalēaogāina aʻu fuafuaga, o moomooga o loʻu loto.+

12 Ua latou faia pea le pō ma ao,

Ua faapea mai, ‘Ua latalata mai le malamalama ona o le pōuliuli.’

13 Afai ou te faatalitali, e fai le Tuugamau* ma oʻu fale;+

Ou te fofola loʻu moega i le pōuliuli.+

16 E alu ifo o ia* i faitoto‘a ua faamau o le Tuugamau*

Pe a ma ō ifo faatasi uma i le efuefu.”+