Iopu
13 “Ioe, ua iloa e oʻu mata nei mea uma,
Ua lagona foʻi e oʻu taliga ma malamalama i ai.
2 O mea ua outou iloa, ua ou iloa foʻi;
Ou te lē faatauvaa iā te outou.
3 A o aʻu, e sili atu ona ou tautala i Lē e ona le malosi uma lava;
Ou te manaʻo e tuuina atu la‘u mataupu i luma o le Atua.+
6 Faalogo mai ia faamolemole i laʻu finau atu,
Ia uaʻi mai foʻi i ʻaiʻoiga a oʻu laugutu.
7 Pe e tou te tautatala ea ma le lē tonu mo le Atua,
Pe e tou te tautatala faaʻoleʻole foʻi mo ia?
9 Pe a suʻesuʻeina outou e le Atua, po o le a faafiafiaina ai o ia?+
Pe e tou te faasesēina o ia e pei ona outou faasesēina o se tagata?
11 Pe e lē faamataʻuina ea outou i lona mamalu
Ma outou matataʻu ai ona o ia?
12 O a outou upu atamai* o faataoto o lefulefu ia;
O a outou finauga e vaivai e pei o talita e fai mai i ʻele.
13 Ia outou fifilemu i oʻu luma, ina ia ou tautala atu ai.
Ia oo mai so o se mea e tatau ona oo mai iā te a‘u!
15 E tusa lava pe na te fasiotia aʻu, ae ou te faatalitali pea;+
Ou te finauina pea laʻu mataupu* i ona luma.
17 Ia outou faalogologo lelei mai i aʻu upu,
Ma ia outou uaʻi mai foʻi i aʻu folafolaga.
18 Vaai, ua ou sauni e tuuina atu la‘u mataupu i le faamasinoga;
Ua ou iloa e saʻo aʻu.
19 O ai ea e finau mai iā te aʻu?
Auā afai ou te filemu, ona ou oti ai lea!*
22 Ia e valaau mai, ona ou tali atu ai lea,
Po ou te tautala atu foʻi, ona e tali mai lea iā te aʻu.
23 O ā ea ni oʻu sesē ma ni aʻu agasala?
Ia e faailoa mai iā te aʻu la‘u solitulafono ma laʻu agasala.
25 Pe e te faamata‘uina ea se laulaau ua lelea
Pe tuliloaina fo‘i tagutugutu o saito ua mamago?
26 Auā ua e tusia pea tuua‘iga mamafa e faasaga iā te aʻu,
Ma ua e faasalaina a‘u ona o agasala na ou faia a o o‘u talavou.
27 Ua e taofia oʻu vae i faamau,
Ua e iloiloina toto‘a oʻu ala uma,
Ma ua e faailogaina oʻu tulagavae uma.