Salamo

9 Ieova e, ou te vivii atu iā te oe ma loʻu lotoatoa;

Ou te ta‘uta‘u atu foʻi au galuega ofoofogia uma.+

 2 Ou te olioli ma ou fiafia iā te oe;

Le Silisili Ese e, ou te usuina viiga* i lou suafa.+

 3 Pe a solomuli oʻu fili,+

E tautevateva i latou ma fano ai i ou luma.

 4 Auā ua e puipuia a‘u ina ia ou maua le faamasinogatonu;

Ua e tiʻetiʻe i lou nofoālii e faamasino ma le tonu.+

 5 Ua e aʻoaʻia nuu+ ma faaumatia ē e amioleaga,

Ua e soloiesea foʻi o latou igoa e faavavau, faavavau lava.

 6 Ua faaumatia e faavavau le fili;

Ua e liaʻieseina o latou aai,

Ma e lē toe manatua lava i latou.+

 7 Ae o Ieova, e afio o ia i lona nofoālii e faavavau;+

Ua ia matuā faatumauina lona nofoālii mo le faamasinogatonu.+

 8 E na te faamasinoina le lalolagi i le amiotonu;+

E na te faamasinoina ma le tonu finauga a atunuu.+

 9 E avea Ieova ma sulufaʻiga malupuipuia* mo ē ua sauāina,+

O le sulufaʻiga malupuipuia i taimi o puapuaga.+

10 E faatuatua iā te oe o ē e iloa lou suafa;+

Ieova e, e te lē tuulafoaʻia lava o ē o loo saʻili iā te oe.+

11 Ia usuina viiga iā Ieova, o lē o loo afio i Siona;

Ia faailoa atu i tagata ana galuega.+

12 Auā e manatuaina i latou e Lē e tauimasui i o latou toto;+

E lē faagaloina lava e ia le alaga a ē ua puapuagatia.+

13 Ieova e, ia e agalelei mai iā te aʻu; ia e silasila mai foʻi i loʻu tigā ona o ē e ita mai iā te aʻu,

O oe lava ua e faatūina aʻe aʻu mai i faitotoʻa o le oti,+

14 Ina ia ou faalauiloaina atu au galuega e viia ai i faitotoʻa o le tama fafine a Siona,+

Ma olioli ai i lau faaolataga.+

15 Ua gogoto ifo nuu i le lua na latou faia;

Ua puʻea foʻi o latou vae i le upega na latou natia.+

17 E ō ifo tagata amioleaga i le Tuugamau,*

O nuu uma ua faagaloina le Atua.

18 Ae e lē faagaloina pea o lē e mativa;+

E lē fano lava e faavavau le faamoemoe o ē e agamalu.+

20 Ieova e, ia e faamataʻu iā i latou,+

Ia iloa e nuu o tagata faatauvaa lava i latou. (Selā)