O le Tusi Muamua o Samuelu
13 E . . .* tausaga o Saulo ina ua avea o ia ma tupu,+ ma e lua tausaga na pule ai o ia i Isaraelu. 2 Na filifilia e Saulo o tane e toʻa 3,000 o Isaraelu; e toʻa 2,000 na faatasi ma Saulo i Mekemase ma vaega maugā o Peteli, ae e toʻa 1,000 na faatasi ma Ionatana+ i Kipea+ o Peniamina. A o tagata na totoe, na ia aauina ese atu e taʻitasi ma alu i lona faleʻie. 3 Ona fasia lea e Ionatana o le leoleoga a Filisitia+ na iai i Kepa,+ ma ua faalogo i ai Filisitia. Ua ili e Saulo le pū+ i le nuu atoa, ma ua faapea ane o ia: “Ia faalogo i ai tagata Eperu!” 4 Ua faalogo i ai Isaraelu uma e faapea: “Ua fasia e Saulo le leoleoga a Filisitia, ma ua inosia ai Isaraelu e Filisitia.” Ona faapotopoto faatasi lea o tagata o le taua i Kilikala+ ina ia mulimuli atu iā Saulo.
5 Ua faapotopoto faatasi Filisitia e tau ma Isaraelu, e 30,000 kariota o le taua, e toʻa 6,000 tagata tiʻetiʻe solofanua, ma tagata e toʻatele e pei o le oneone o le matafaga;+ ua latou ō aʻe ma tolauapi i Mekemase i le itu i sasaʻe o Petavene.+ 6 Ua iloa foʻi e tagata tau o Isaraelu ua lamatia i latou, auā ua latou puapuagatia; ona ō lea ma lalafi i totonu o ana,+ o lua, o vā i papa, o pū e lalafi ai i le eleele, ma vaieli. 7 Ua sopoʻia atu foʻi Ioritana e nisi o tagata Eperu e agaʻi i le nuu o Kato ma Kiliata.+ Ae ua nofo pea Saulo i Kilikala, ma ua gatete le nuu uma na mulimuli atu iā te ia. 8 Ua ia faatali pea i aso e fitu i le taimi faatulagaina* na fai atu ai Samuelu; ae e leʻi alu atu lava Samuelu i Kilikala, ma ua taapeape le nuu mai iā te ia. 9 Ua fai atu Saulo: “Inā aumai ia iā te aʻu o le taulaga mū ma taulaga faifaatasi.” Ona ia ofoina atu lea o le taulaga mū.+
10 Ina ua faatoʻā uma lava ona ia ofoina atu le taulaga mū, ae taunuu atu loa Samuelu. Ona alu ane lea o Saulo e faafeiloaʻi ma faamanuia atu iā te ia. 11 Ona fai mai lea o Samuelu: “O le ā lau mea ua fai?” Ae ua fai atu Saulo: “Na ou iloa ua taapeape tagata mai iā te aʻu,+ a o oe foʻi e te leʻi sau i le taimi faatulagaina, ma ua faapotopoto faatasi Filisitia i Mekemase.+ 12 Ona ou faapea ifo lea, ‘O le a siitaua mai Filisitia iā te aʻu i Kilikala, a o lenei ou te leʻi sa‘ili mo le finagalo malie o Ieova.’ O le mea lea, na ou manatu ai ua tatau ona ou faia loa le taulaga mū.”
13 Ona fai atu lea o Samuelu iā Saulo: “Ua e valea ina ua e faia o lenei mea. Ua e lē usita‘ia le poloaʻiga a Ieova lou Atua na ia poloaʻi atu ai iā te oe,+ auā ana e faia faapea, semanū ua faatumauina e Ieova lou malo iā Isaraelu e faavavau. 14 A o lenei, e lē tumau lou malo.+ O le a saʻili e Ieova se tagata e malie i ai lona finagalo;+ e tofia foʻi e Ieova o ia e avea ma taʻitaʻi i lona nuu,+ auā ua e lē usita‘i i le mea na poloaʻi atu ai Ieova iā te oe.”+
15 Ona tulaʻi lea o Samuelu ma alu aʻe mai i Kilikala agaʻi i Kipea o Peniamina, ona faitauina lea e Saulo o le nuu, o ē na faatasi ma ia e tusa ma le toʻa 600 tane.+ 16 Ae ua nonofo Saulo, ma Ionatana lona atalii, ma tagata na faatasi ma i laʻua i Kepa+ o Peniamina. Ae ua tolauapi Filisitia i Mekemase.+ 17 Ua osofa‘i atu ‘autau e tolu mai i le togālauapi a Filisitia. Ua faasaga atu le tasi ʻau i le auala e agaʻi i Ofira, i le nuu o Suala; 18 ua faasaga le isi ʻau i le auala o Pete-orana;+ ae ua faasaga le ʻau lona tolu i le auala e agaʻi i le tuaoi, lea e iloa atu ai le vanu o Sepoima, ma ua ō atu agaʻi i le toafa.
19 I lenā taimi, e leʻi iai se tagata fai uʻamea i le nuu o Isaraelu uma, auā ua faapea ane Filisitia: “Ina ia aua neʻi faia e tagata Eperu se pelu po o se tao.” 20 Na tatau foʻi ona ō ifo Isaraelu uma i Filisitia ina ia faamata uʻamea o a latou suōtosina, piki, toʻi, ma selesaito. 21 O le totogi o le faamataina o uʻamea o suōtosina, o piki, o tui mata tolu, o toʻi, ma tui povi, e tasi le pime.* 22 I le aso o le taua, e leʻi iai se pelu po o se tao i se tasi o tagata sa faatasi ma Saulo ma Ionatana;+ e na o Saulo ma Ionatana lona atalii na iai a la auupega.
23 Ua alu atu le leoleoga a Filisitia i le ala i le mafa o Mekemase.+