Sakaria
9 O se feʻau mai i le Atua:
“O le afioga a Ieova e faasaga i le atunuu o Hataraka,
Ma e taula‘i atu i Tamaseko,*+
Auā o fofoga o Ieova o loo silasila i le fanau a tagata+
Ma ituaiga uma o Isaraelu,
2 E faasaga foʻi iā Amato+ o loo tuaoi ai,
Ma e faasaga iā Turo+ ma Saitonu,+ auā ua manatu ua sili lo latou atamamai.+
3 Na fausia e Turo se pā puipui* mo ia.
Na ia faaputu siliva e pei o le pefu
Ma auro e pei o palapala o le auala.+
4 Faauta! o le a aveesea e Ieova ana mea,
E na te faaumatia foʻi ana ʻautau i le sami;*+
Ma o le a faatamaʻia o ia i le afi.+
5 E vaai atu i ai Asekelona ma fefe ai;
E lagonaina e Kasa le matuā tigā,
Atoa ma Ekerona auā ua faamāina lona faamoemoega.
E faaumatia le tupu o Kasa,
Ma e lē ʻaināina Asekelona.+
7 Ou te aveesea le toto mai i lona gutu
Ma mea inosia mai i le vā o ona nifo,
Ona totoe ai lea o ia mo lo tatou Atua;
Ma e avea o ia e pei o se alii pule* i Iuta,+
Ma e pei Ekerona o le tagata Iepusē.+
8 Ou te tolauapi e leoleo lo‘u fale,+
Ina ia leai se isi e ui ane pe e toe foʻi mai;
Ma o le a lē toe ui ane ai o lē e pule i le galuega,*+
Auā o lenei ua vaai i ai* oʻu mata.
9 Ia e matuā olioli oe le tama fafine a Siona.
Ia e alaga i le manumalo oe le tama fafine a Ierusalema.
Faauta! ua afio mai lou tupu iā te oe.+
E amiotonu o ia ma ua ia aumaia le faaolataga,*
E lotomaulalo+ o ia, ma o loo tiʻetiʻe i se asini,
I luga o se tama‘i asini,* o le tama foʻi a se asini fafine.+
10 Ou te aveesea le kariota tau mai iā Efaraima
Ma le solofanua mai iā Ierusalema.
E aveesea foʻi le ʻaufana o le taua.
O le a ia folafola atu le filemu i atunuu;+
O lana pulega e mai i le tasi sami e oo i le isi sami,
E mai i le Vaitafe* fo‘i e oo atu i tuluʻiga o le lalolagi.+
11 O oe foʻi le fafine e, e ala i le toto o lau feagaiga,
Ou te aauina ese atu ai ou pagota mai i le lua e lē o iai se vai.+
12 O outou o pagota ua iai le faamoemoe, inā toe foʻi ia i le lafitaga malosi.+
O le asō, ou te taʻu atu ai iā te oe,
‘Le fafine e, o le a ou faamanuia faalua iā te oe.+
13 Auā ou te loloʻu* Iuta e fai ma aʻu ʻaufana.
Ou te ave Efaraima e fai ma aū mo le ʻaufana,
Siona e, ou te fafagu i ou atalii,
E faasagatau i atalii o Eleni,
Ma ou te faia oe e pei o le pelu a le toa.’
14 E vaaia Ieova i o latou luga,
Ma e alu atu lana aū e pei o le uila.
E ili le pū e le Alii Pule Silisili Ese o Ieova,+
Ma e afio atu o ia faatasi ma matagi malolosi o le itu i saute.
E latou te feinu ma pisapisaō e pei ua feinu i se uaina;
E faatumuina i latou e pei o le ipu faaofuofu,
E pei foʻi o tulimanu o le fata faitaulaga.+
16 E faaolaina e Ieova lo latou Atua o i latou i lenā aso,
E pei lona nuu o le lafu mamoe;+
Auā o le a pei i latou o maa tāua o se palealii o loo ʻilaʻila mai i luga o lona laueleele.+
E faamalosia tauleleʻa i meaʻai,
Ma taupou i le uaina fou.”+