Salamo

Ua vaivai loʻu tino ona o le naunau tele iā te oe

I le nuu naumati ma matelāina ai i le leai o se vai.+

 2 O le mea lea, na ou vaai ai iā te oe i le mea paia;

Na ou vaai ai i lou malosi ma lou mamalu.+

 3 Auā o lou alofa faamaoni e sili lea i le ola,+

E faamamaluina oe e oʻu laugutu.+

 4 O le mea lea ou te vivii atu ai iā te oe i loʻu olaga atoa;

E sisii atu foʻi oʻu lima i lou suafa.

 5 Ua faamalieina aʻu i le mea e sili ona lelei ma lololo,

O lea, e vivii atu iā te oe lo‘u gutu ma le alaga fiafia o o‘u laugutu.+

 6 Ou te manatua oe i loʻu moega;

Ou te mafaufau loloto foʻi iā te oe i leoleoga o le pō.+

 7 Auā o oe o loʻu fesoasoani,+

Ou te alaga atu ma le fiafia i le paolo o ou apaʻau.+

 8 Ua ou pipii atu iā te oe;

Ua e taofimau foʻi iā te aʻu i lou aao taumatau.+

 9 A o i latou o loo saʻili e faaumatia loʻu ola,*

E ō ifo lava i vaega maulalo o le lalolagi.

10 E tuuina atu i latou i le malosi o le pelu;

E avea foʻi i latou ma meaʻai mo ta‘ifau o le vao.*

E olioli* foʻi tagata uma e tautō iā te Ia,

Auā o le a punitia gutu o i latou e tala pepelo.