O le Tusi Lona Lua o Nofoaiga a Tupu

9 Ua faalogo le tupu tamaʻitaʻi mai i Seepa+ i le tala e uiga iā Solomona, ona sau ai lea o ia i Ierusalema e tofotofo iā Solomona i fesili faigatā.* Sa faatasi ma ia se ʻaumalaga e matuā toʻatele lava, o kamela o loo aumai ai suāuu pasama, ma le matuā tele o auro+ ma maa tāua. Ua sau o ia iā Solomona ma talanoa mai iā te ia i mea uma ua naunau i ai lona loto.+ 2 Ona taliina lea e Solomona o ana fesili uma. E leai se mea na faigatā* iā Solomona, ma na ia faamatala atu mea uma iā te ia.

3 Ina ua iloa e le tupu tamaʻitaʻi mai i Seepa le atamai o Solomona,+ o le fale na ia faia,+ 4 o meaʻai i lana laulau,+ o le nonofo a ana auauna i le laulau, o le tautua a ana auauna ma o latou ofu, o ē e laulauina ana meainu ma o latou ofu, ma ana taulaga mū e faia e lē aunoa i le fale o Ieova,+ ona matuā maofa ai lea o ia.* 5 Ona ia fai mai lea i le tupu: “Ua moni lava upu na ou faalogo ai i loʻu nuu e uiga i mea na e faia* ma lou atamai. 6 Ae ou te leʻi talitonu i na upu seʻia ou sau ma vaai i ai oʻu mata;+ faauta! e itiiti lava mea na taʻu atu iā te aʻu e faatatau i le tele o lou atamai.+ Ua matuā sili atu lava nai lo o mea na ou faalogo i ai.+ 7 E fiafia ou tagata ma e fiafia au auauna o ē o loo tutū e lē aunoa i ou luma, ma faalogo i lou atamai! 8 Ia viia Ieova lou Atua, o lē ua fiafia mai iā te oe i lona faanofo o oe i lona nofoālii e fai ma tupu mo Ieova lou Atua. Auā e alofa lou Atua iā Isaraelu,+ o lea ua ia tofia ai oe e avea ma tupu e faia faamasinoga ma le amiotonu, ina ia faatumauina ai i latou e faavavau.”

9 Ona ia foaʻi mai lea i le tupu o Solomona o taleni* auro+ e 120, ma le matuā tele lava o suāuu pasama, ma maa tāua. E leʻi toe aumaia lava ni suāuu pasama se tele, e pei o nei suāuu na foaʻi mai e le tupu tamaʻitaʻi mai i Seepa i le tupu o Solomona.+

10 E lē gata i lea, o auauna a Hiramo ma auauna a Solomona o ē na aumaia auro mai i Ofeira,+ na latou aumaia foʻi laupapa alemuka ma maa tāua.+ 11 Ona faia lea e le tupu mai i laupapa alemuka o faasitepu mo le fale o Ieova+ ma le fale o le tupu,+ atoa foʻi ma kitara, ma meafaifaaili e iai uaua mo tagata pepese.+ E leʻi vaaia muamua lava i Iuta ni laupapa alemuka e pei o nei laupapa.

12 Ua foaʻi atu foʻi e le tupu o Solomona i le tupu tamaʻitaʻi mai i Seepa, o mea uma na mana‘o ma talosaga mai ai, e sili atu nai lo o* mea na ia aumaia i le tupu. Ona liliu atu lea o ia ma toe foʻi i lona nuu faatasi ma ana auauna.+

13 O le mamafa o le auro na aumaia iā Solomona i tausaga taʻitasi, e 666 taleni auro,+ 14 ae e lē taulia ai mea na aumaia e tagata femalagaaʻi, o tagata fefaataua‘i, o tupu uma o Arapi, ma kovana o le nuu, o ē na aumaia auro ma siliva iā Solomona.+

15 Ua faia foʻi e le tupu o Solomona o talipupuni tetele e 200, i auro ua saunia faapitoa+ (e 600 sekeli* auro na ufitia ai luga o talipupuni taʻitasi),+ 16 ma talita* e 300 e faia i auro ua saunia faapitoa (e tolu mina* auro na ufitia ai luga o talita taʻitasi). Ona tuu lea e le tupu o na mea i le Fale o le Vaomatua o Lepanona.+

17 Ua faia foʻi e le tupu se nofoālii mataʻina i nifo elefane, ma ufiufi i le auro māo‘i.+ 18 E ono faasitepu i le nofoālii, ma e pipii i le nofoālii se mea auro e tū ai vae, e iai foʻi faalagolago o lima i itu e lua o le mea e nofo ai, e tutū ai foʻi faatusa e lua o leona+ i tafatafa o faalagolago o lima. 19 E 12 faatusa o leona+ na tutū i faasitepu e ono, e ta‘itasi i itu o faasitepu e ono. E leai lava se isi malo na faia se mea faapea. 20 O ipu inu uma foʻi a le tupu o Solomona o auro ia, o auro māoʻi foʻi ipu uma lava o le Fale o le Vaomatua o Lepanona. E leai se mea na faia i le siliva, auā na manatu i le siliva o se mea e matuā faatauvaa lava i aso o Solomona.+ 21 Sa ō atu i Tasesa+ vaa a le tupu faatasi ma auauna a Hiramo.+ E faatasi i tausaga ta‘itolu ona ō mai vaa o Tasesa e aumai auro, o siliva, o nifo elefane,+ o manukī ma tuki.*

22 Na sili atu le tupu o Solomona i ʻoa ma le atamai nai lo o isi tupu uma o le lalolagi.+ 23 Ua saʻili foʻi tupu o le lalolagi uma e fia feiloa‘i iā Solomona, ina ia faalogo i le atamai na tuuina e le Atua moni i lona loto.+ 24 I tausaga taʻitasi, e latou te aumaia ai e taʻitasi ma lana meaalofa o mea siliva, o mea auro, o ofu,+ o auupega, o suāuu pasama, o solofanua ma asini.* 25 Sa iā Solomona o fale o solofanua* e 4,000 ma kariota, ma solofanua e 12,000,+ ma ua ia tuuina na mea i aai o kariota e latalata ane i le tupu i Ierusalema.+ 26 Ua pule foʻi o ia i tupu uma lava, e amata mai i le Vaitafe* e oo atu i le nuu o Filisitia, ma le tuaoi o Aikupito.+ 27 Ua faia e le tupu o mea siliva i Ierusalema ia matuā tele lava e pei o maa, ua ia faia foʻi laupapa arasi ia matuā tele lava e pei o laau o le sukamoru i Sefila.*+ 28 Na aumaia foʻi iā Solomona o solofanua mai i Aikupito+ ma isi nuu uma.

29 A o le olaga uma o Solomona,+ e mai i le amataga e oo i le faaiʻuga, po ua lē o tusia ea i upu a Natano+ le perofeta, o le valoaga a Akia+ le tagata Sailo, ma faamaumauga o faaaliga a Ito+ lē e faamatalaina faaaliga, e faatatau iā Ierepoamo+ le atalii o Nepata? 30 E 40 tausaga na pule ai Solomona mai i Ierusalema iā Isaraelu uma. 31 Ona taoto lea o Solomona faatasi ma ona augātamā,+ ma ua latou tanu o ia i le Aai a Tavita lona tamā; ma ua avea Reopoamo lona atalii ma tupu e sui iā te ia.+