Esekielu

23 Ua toe oo mai le afioga a Ieova iā te aʻu e faapea: 2 “Le atalii e o le tagata, na iai ni fafine se toʻalua, o le fanau teine a le tinā e toʻatasi.+ 3 Na avea i laʻua ma fafine talitane i Aikupito;+ na la faia faiga faatalitane mai lava i lo la talavou. O i inā na la faia ai amioga lē mamā taufeusuaʻiga ma faaleagaina ai lo la tulaga mamā. 4 O o la igoa, o Aola* lē e matua ma Aolipa* lona uso. Na fai i laʻua mo aʻu ma na fanaua e i laʻua o fanau tama ma fanau teine. Ae e tusa ma o la igoa, o Aola o Samaria lea,+ a o Aolipa o Ierusalema lea.

5 “Na faia e Aola faiga faatalitane+ a o fai o ia mo aʻu. Na ia tuʻinanau iā i latou o ē na mananaʻo tele iā te ia,+ o i latou ia o ona tuaoi, o tagata Asuria ia.+ 6 O i latou o kovana na oofu i ʻie lanu moana ma o sui pule, o tauleleʻa aulelei i latou uma e tiʻetiʻe i solofanua. 7 Na ia faia pea faiga faatalitane ma atalii sili uma o Asuria, ma na ia faaleagaina o ia lava+ i tupua inosia* a i latou na ia tuʻinanau i ai. 8 E na te leʻi tuua ana amioga faatalitane na faia i Aikupito, auā na latou taooto ma ia i lona talavou, ma na latou tataoina ona susu a o teine muli o ia, na latou faia pea foʻi feusuaʻiga lē mamā ma ia.+ 9 O le mea lea na ou tuuina atu ai o ia i lima o ē na mananaʻo tele iā te ia, o atalii ia o Asuria,+ o ē na ia tuʻinanau i ai. 10 Na latou faaalialia lona telenoa,+ ave ana fanau tama ma ana fanau teine,+ ma latou fasiotia o ia i le pelu. Na matuā leaga lona talaaga i fafine, ma na latou faaoo le faasalaga iā te ia.

11 “Ina ua iloa e lona uso o Aolipa lea mea, ona sili ai lea o lona tuʻinanau i feusuaʻiga, ma na sili atu ona leaga ana faiga faatalitane nai lo o lona uso.+ 12 Na tuʻinanau o ia i ona tuaoi, o atalii ia o Asuria,+ o i latou ia o kovana ma sui pule na oofu i ofu mananaia ma tiʻetiʻe i solofanua, o tauleleʻa aulelei i latou uma. 13 Ina ua ia faaleagaina o ia lava, ona ou iloa ai lea, e tutusa uma o laʻua ala.+ 14 Ae na ia faateleina ana faiga faatalitane. Na ia vaai i ata o tane ua vaneina i le puipui, o ata o tagata Kaletaia ua vaneina ma vali i le vali mūmū, 15 ua fusi o latou puimanava i fusipaʻu, ua i o latou ulu pulou ʻie e tautau pito, e foliga e pei o ni toa, ma ua latou faaatagia uma mai tagata Papelonia na fananau i le atunuu o Kaletaia. 16 Ina ua ia vaai iā i latou, ona ia tuʻinanau lea iā i latou ma ua ia aauina atu avefeʻau iā i latou i Kaletaia.+ 17 Ona ō mai pea lea iā te ia o atalii o Papelonia, i le moega e fefaaalia‘i ai le alofa, ma ua latou faaleagaina o ia i feusuaʻiga lē mamā. Ina ua uma ona latou faaleagaina o ia, ona liliuese lea o lona loto ma ua ʻinoʻino iā i latou.

18 “Ina ua ia faia pea ana amioga faatalitane ma le faauamaaa, ma faaalialia lona telenoa,+ ona liliuese lea o loʻu loto mai iā te ia ma le ʻinoʻino, e pei ona liliuese o loʻu loto ma le ʻinoʻino mai i lona uso.+ 19 Ua ia faateleina pea ana faiga faatalitane,+ ma manatua ai aso o lona talavou ina ua ia talitane i Aikupito.+ 20 Na ia tuʻinanau pea iā i latou e pei o le tuʻinanau o palake i tane o ē e pei o latou totogasā o totogasā o asini ma solofanua. 21 Na e naunau pea i amioga matagā o lou talavou i Aikupito+ ina ua latou tatao ou susu, o ou susu ia a o e talavou.+

22 “O lea Aolipa e, o le fetalaiga lenei a le Alii Pule Silisili Ese o Ieova: ‘O le a ou faaoso ē ua mananaʻo tele iā te oe,+ o i latou ia ua liliuese mai ai lou loto ma le ʻinoʻino, ma o le a ou aumaia i latou e faasagatau iā te oe mai i itu uma,+ 23 o atalii o Papelonia+ ma tagata Kaletaia uma,+ o tane o Pekota,+ o Soa ma Koa, faatasi ma atalii uma o Asuria. O i latou uma o tauleleʻa aulelei, o kovana ma sui pule, o toa, ma ē ua filifilia faapitoa, o i latou uma ia e tiʻetiʻe i solofanua. 24 O le a latou osofaʻia oe i kariota o le taua e iai uili ma e paʻō leotetele, faatasi ma ʻautau e toʻatele, o le talipupuni telē, o le talita* ma le puloutau. O le a latou faasagatau iā te oe mai i itu uma, ma o le a ou tuuina atu le pule iā i latou e faaoo atu ai le faasalaga, e latou te faasalaina foʻi oe e tusa ma le mea e tonu i o latou manatu.+ 25 Ou te faaalia loʻu toʻasā iā te oe, ma o le a latou feutagaʻi ma oe ma le ita tele. O le a latou tipiesea lou isu ma ou taliga, ma fasiotia i le pelu ou tagata o le a totoe. O le a latou aveina au fanau tama ma au fanau teine, ma faatamaʻia i le afi ou tagata o loo totoe.+ 26 O le a latou toese ou ofu+ ma faoa au teuga matagofie.+ 27 O le a ou faamutaina au amioga matagā, ma au faiga faatalitane+ na amata mai i Aikupito.+ O le a e lē toe vaai iā i latou, e te lē toe manatua foʻi Aikupito.’

28 “O le fetalaiga lenei a le Alii Pule Silisili Ese o Ieova: ‘Ua toeitiiti ona ou tuuina atu lea o oe iā i latou ua e ʻinoʻino i ai, o i latou na liliuese ai lou loto ma le ʻinoʻino.+ 29 O le a latou feutagaʻi ma oe ma le ʻinoʻino ma aveese mea uma na e galue mamafa ai,+ ae tuu oe e telenoa ma lē lavalavā. O le a faaalialia le telenoa o au amioga lē mamā taufeusuaʻiga lea e māsiasi ai, ma au amioga matagā ma au faiga faatalitane.+ 30 O le a oo ia mea iā te oe ona o lou saʻili atu i nuu e pei o se fafine talitane,+ ma ona o lou faaleagaina o oe lava i a latou tupua inosia.+ 31 Ua e savali i le ala o lou uso,+ ma o le a ou avatu i lou lima lana ipu.’+

32 “O le fetalaiga lenei a le Alii Pule Silisili Ese o Ieova:

“O aʻu lava ua ou fai atu ai,” o le fetalaiga lea a le Alii Pule Silisili Ese o Ieova.’

35 “O lea o le fetalaiga lenei a le Alii Pule Silisili Ese o Ieova: ‘Talu ai ua e faagaloina aʻu ma ua e matuā lē amanaʻia aʻu,*+ o le mea lea e te selesele ai āuga o au amioga matagā ma au faiga faatalitane.’”

36 Ua toe fetalai mai Ieova iā te aʻu: “Le atalii e o le tagata, po o le a e faamasino ea iā Aola ma Aolipa,+ ma taʻu saʻo atu iā i laʻua a la mea inosia o loo faia? 37 Ua la faia le mulilua*+ ma ua iai le toto i o la lima. E lē gata ua la faia le mulilua ma a laʻua tupua inosia, ae ua la susunu foʻi i le afi a la fanau na fananau iā te aʻu, e fai ma meaʻai a o la tupua.+ 38 E lē gata i lea, o le mea lenei ua la faia iā te aʻu: Ua la faaleagaina loʻu malumalu i lea aso, ua la solia foʻi oʻu sapati. 39 Ina ua uma ona la fasiotia a laʻua fanau e fai ma taulaga i a laʻua tupua inosia,+ ona la ō mai ai lea i loʻu malumalu i lea lava aso ina ia faaleagaina ai.+ O le mea lea ua la faia i totonu o loʻu fale. 40 Na la auina atu foʻi se avefeʻau i tane ina ia ō mai mai i se mea mamao.+ A o ō mai i latou, na e* tāʻele ma vali ou mata ma teuteu oe i teuga matagofie.+ 41 Ona e nofo lea i le nofoa umi matagofie,+ ma ua saunia se laulau i luma,+ ma ua e tuu ai aʻu mea manogi+ ma laʻu suāuu.+ 42 Ua iai le leo o le motu o tagata ua fai faafiafiaga i inā, ma ua faatasi ma i latou tagata onanā na aumaia mai i le toafa. Ua latou tuu taulima i lima o ia fafine ma palealii matagofie i luga o o la ulu.

43 “Ona ou fai atu lea e faatatau iā te ia o lē ua vaivai i le faia o le mulilua: ‘O le a ia faia pea ana faiga faatalitane.’ 44 O lea, ua latou ō ane pea iā te ia, e pei ona alu ane o se tasi i se fafine talitane. O le auala lenā ua latou ō atu ai iā Aola ma Aolipa o ni fafine e amio matagā. 45 Ae o le a faaoo atu e tane amiotonu iā te ia le faasalaga e tatau mo le mulilua+ ma le faamasaatoto;+ auā o fafine mulilulua i laʻua ma ua iai le toto i o la lima.+

46 “Auā o le fetalaiga lenei a le Alii Pule Silisili Ese o Ieova: ‘O le a aumaia se ʻautau e faasagatau iā i laʻua, ina ia faia i laʻua ma mea e fefefe ai, e faoa foʻi a laʻua mea.+ 47 O le a fetogia i laʻua i maa+ e le ʻautau ma fasiotia i laʻua i a latou pelu. O le a latou fasiotia a la fanau tama ma fanau teine,+ e susunuina foʻi o laʻua fale i le afi.+ 48 O le a ou faamutaina amioga matagā i le atunuu, ma o le a aʻoaʻoina e fafine uma se lesona, ma lē faataʻitaʻi ai i a oulua amioga matagā.+ 49 O le a latou faaoo iā te oulua le faasalaga o a oulua amioga matagā, ma a oulua agasala sa faia ma lua tupua inosia; ma o le a oulua iloa ai o aʻu lava o le Alii Pule Silisili Ese o Ieova.’”+