Mika
1 O le afioga a Ieova na oo mai iā Mika*+ le Morese, i aso o Iotama,+ o Aasa,+ ma Esekia,+ o tupu ia o Iuta,+ ma na ia maua ai se faaaliga e uiga iā Samaria ma Ierusalema:
2 “Nuu uma e, ia outou faalogo mai!
Le lalolagi e, atoa ma mea ua tumu ai, ia uaʻi mai,
Ma ia fai le Alii Pule Silisili Ese o Ieova ma molimau faasaga iā te outou,+
O Ieova lava mai i lona malumalu paia.
3 Auā faauta! o loo afio mai Ieova mai i lona afioaga;
E afio ifo o ia ma soli mea maualuluga o le lalolagi.
4 E liusuāvai mauga i lalo iā te ia,+
E māvaevae vanu*
E pei o le gaʻo* i luga o le afi,
E pei foʻi o vai ua tafe ifo i le tofē.
O le ā le fouvalega a Iakopo?
Pe e lē o Samaria ea?+
O ā mea maualuluga a Iuta?+
Pe e lē o Ierusalema ea?
6 Ou te faia Samaria ma faaputuga o mea ua faatafunaina o le fanua,
O se nofoaga e totō ai togāvine;
Ou te lafo ifo i le vanu ona maa,
Ma ou te faataatitia fua ona faavae.
7 E nutililiia uma ona faatusa ua tā,+
E susunuina i le afi meaalofa uma na avatu iā te ia o se totogi.*+
Ou te faaumatia ana tupua uma.
Auā o ia mea uma na maua e ia mai i totogi o faiga faatalitane,
Ma o le a toe avea ma totogi o fafine talitane.”
Ou te tagiauē e pei o taʻifau o le vao,
Ma faavauvau e pei o iaena.*
Ua oo atu le mala i le faitotoʻa o loʻu nuu, o Ierusalema lea.+
10 “Aua neʻi o outou taʻu atu i Kata;
Aua lava foʻi neʻi o outou fetagisi.
Ia taafili i le lefulefu i Pete-afira.*
11 O outou o ē e nonofo* i Safiri, inā ui ane ia ma le lē lavalavā ma le mā.
E leʻi ō atu foʻi ē o loo nonofo* i Saanana.
O le a iai le tagiauē i Peteseli, ma o le a aveesea lana lagolagosua mai iā te outou.
12 Ua faatalitali ē e nonofo* i Marota mo le mea lelei,
Peitaʻi, ua alu ifo le leaga mai iā Ieova i le faitotoʻa o le pā o Ierusalema.
13 O outou o ē e nonofo* i Lakisa,+ inā nonoa ia solofanua i le kariota.
Na avea outou ma amataga o le agasala i le tama fafine a Siona,
Auā ua maua iā te outou fouvalega a Isaraelu.+
14 O le mea lea e tou te avatu ai meaalofa faamavae iā Morese-kato.
E fai foʻi fale o Akasepa+ ma mea pepelo i tupu o Isaraelu.
15 O outou o ē e nonofo* i Maresa,+ o le a ou avatu iā te outou le fili e faoa mea uma.+
E oo atu lava i Atulame+ le mamalu o Isaraelu.
16 Ia tafi o outou lauulu ma sele mamā o outou ulu ona o a outou fanau peleina.
Ia tula o outou ulu e pei o le aeto,
Auā ua aveesea i latou mai iā te oe, ua ave faapagota i le isi atunuu.”+