O le Tusi i Faapotopotoga i Kalatia

5 O le saʻolotoga lava lenei ua faasaʻoloto ai i tatou e Keriso. O lea la, ia tutumau+ ma aua neʻi toe taofia outou i le amo o le pologa.+

2 Faauta! O aʻu o Paulo, ou te fai atu iā te outou, pe afai e peritomeina outou, ua lē aogā la Keriso iā te outou.+ 3 Ou te toe taʻutino atu i ē uma ua peritomeina, e tatau ona latou tausia le Tulafono atoa.+ 4 O outou uma o ē e fia taʻuamiotonuina i le tulafono,+ ua vavaeese outou mai iā Keriso, ma ua teʻa ese outou mai i lona agalelei faifua. 5 Auā o le agaga ua tatou faatalitali ai ma le naunau i le amiotonu ua faamoemoe i ai, ona o le faatuatua. 6 Auā e lē aogā le peritome po o le lē peritome mo i latou e autasi ma Keriso Iesu,+ ae o le faatuatua e ala i le alofa.

7 Sa outou taufetuli lelei.+ O ai na faalavelavea outou mai i le usiusitaʻi atu pea i le upu moni? 8 E lē o faapena ona faatauanauina outou e Lē na valaauina outou. 9 E faafefeteina le paluga atoa i sina fefete itiiti.+ 10 Ou te mautinoa iā te outou o ē ua autasi ma le Alii,+ e tou te lē manatu i se isi lava mea; ae po o ai lava se tasi e faatigā iā te outou,+ e na te maua le faasalaga e tatau mo ia. 11 A o aʻu, le ʻauuso e, afai ou te talaʻi atu pea le peritome, aiseā ua sauāina ai pea aʻu? Afai o lea, ua soloia le mea e tausuai ai, o le laau lea e faapuapuagatia ai.*+ 12 Maʻimau pe ana tipieseina e na tane i latou lava ina ia lē toe fananau,* o ē o loo taumafai e faasesēina outou.

13 Le ʻauuso e, na valaauina outou i le saʻolotoga. Ae aua neʻi avea lenei saʻolotoga ma mea e faamalie ai tuʻinanauga o le tino,+ ae ia pologa le tasi i le isi i le alofa.+ 14 Auā ua faataunuuina* le Tulafono atoa i le poloaʻiga e tasi: “Ia e alofa atu i lou tuaoi e pei o oe lava iā te oe.”+ 15 Ae afai e faaauau ona faatigā le tasi i le isi ma feʻainaʻi,+ ia faaeteete neʻi faaumatia e le tasi le isi.+

16 Ou te fai atu, Ia outou savavali pea i la le agaga,+ ona outou lē faia lea o tuʻinanauga o le tino.+ 17 Auā e tetee atu tuʻinanauga o le tino i le agaga, e faapena foʻi le agaga i le tino. O mea e tou te loto e fai, e tou te lē faia lava auā e feteenaʻi nei mea.+ 18 Afai e taʻitaʻiina outou e le agaga, e tou te lē o nonofo la i le tulafono.

19 Ua iloa lelei galuega a le tino: o amioga lē mamā taufeusuaʻiga,*+ o faiga lē mamā, o amioga faauamaaa,*+ 20 o le ifo i tupua, o faiga faaagaga,*+ o le feitagaʻi, o le femisaaʻi, o le lotoleaga, o le lotoa, o fefinauaʻiga, o fevaevaeaʻiga, o le mulimuli i aʻoaʻoga a tagata, 21 o le matauʻa, o onāga,+ o patī lē taupulea,* ma mea faapena.+ Ou te muaʻi lapataʻia outou e tusa ai ma nei mea, e pei ona ou muaʻi lapataʻia ai outou. O ē o loo faia pea mea faapena, e lē fai le Malo o le Atua mo o latou tofi.+

22 A o le fua o le agaga, o le alofa, o le olioli, o le filemu, o le onosaʻi,* o le agalelei, o le mataalofa,*+ o le faatuatua, 23 o le agamalu, ma le amio pulea.+ E lē faatulafonoina mea faapena. 24 O ē e mulimuli iā Keriso Iesu, ua latou faatoʻilaloina* le tino faatasi ma ona manaʻonaʻoga ma ona tuʻinanauga.+

25 Afai e tatou te ola i la le agaga, ia tatou savavali foʻi ma le maopoopo i le agaga.+ 26 Aua neʻi o tatou mimitavale,+ pe faatautavā i isi,+ ma matauʻa i mea a isi.