O le Tusi Lona Lua i le Faapotopotoga i Tesalonia

2 Peitaʻi le ʻauuso e, e faatatau i le faatasi mai o lo tatou Alii o Iesu Keriso,+ ma le aoaoina o i tatou ina ia faatasi ma ia,+ e matou te talosaga atu ai iā te outou 2 e aua neʻi vave fenuminumiaʻi o outou mafaufau, pe atuatuvale foʻi ona o se feʻau faagaeeina,*+ po o se feʻau tuugutu, po o se tusi e peiseaʻī e mai iā i matou, e faapea ua oo mai le aso o Ieova.*+

3 Aua neʻi taʻitaʻisesēina* outou e se tasi i so o se auala, auā e lē oo mai lenā aso seʻia oo muamua mai le fouvalega,*+ ma faaalia mai le tagata o le amioleaga,+ o le atalii lea o le faaumatiaga.+ 4 E tū o ia e tetee atu ma siitia o ia lava e maualuga aʻe i ē uma e taʻua o atua po o mea e tapuaʻi i ai, ina ia nofo o ia i le malumalu o le Atua, e faaalialia ai o ia lava o se atua. 5 Pe e tou te lē manatua ea, sa masani ona ou taʻu atu nei mea iā te outou a o oʻu iai ma outou?

6 O lenei ua outou iloa le mea o loo avea ma taofiofiga, seʻia faaalia mai o ia i le taimi e tatau ai. 7 E moni o loo galue lenei amioleaga, o le mea lilo lea,+ seʻia oo ina aveesea lē o loo avea ma taofiofiga i le taimi nei. 8 Ona faaalia mai lea o lē e amioleaga, lea o le a aveesea e le Alii o Iesu i le mānava o lona fofoga,+ ma faaumatia ai pe a faaali mai+ i lona faatasi mai. 9 O le faatasi mai o lē e amioleaga, e māfua ona o le galuega a Satani+ i galuega mamana, ma faailoga pepelo ma mea ofoofogia* uma+ 10 ma le amiolētonu, ma mea taufaasesē uma+ mo ē o le a fano, e taui ai iā i latou ona e leʻi faaalia lo latou naunau i le upu moni, ina ia faaolaina ai i latou. 11 O le mea lea, ua faataga ai e le Atua i latou e faasesēina i se aʻoaʻoga sesē, ina ia latou talitonu ai i le pepelo,+ 12 ina ia faamasinoina i latou uma, auā e latou te leʻi talitonu i le upu moni ae na fiafia i le amiolētonu.

13 Peitaʻi, e tatau ona matou faafetai atu pea i le Atua mo outou le ʻauuso e, o ē ua alofagia e Ieova,* auā ua filifilia outou e le Atua+ mai i le amataga mo le faaolataga e ala i le faapaiaina o outou+ i lona agaga, ma i lo outou faatuatua i le upu moni. 14 Ua ia valaauina outou i lea mea e ala i le tala lelei ua matou folafolaina atu, ina ia outou maua le mamalu o lo tatou Alii o Iesu Keriso.+ 15 O le mea lea le ʻauuso e, ia outou tutū mausalī+ ma taofimau i mea na aʻoaʻoina ai outou,+ e tusa pe na ala atu i se feʻau tuugutu po o sa matou tusi. 16 Tau ina ia faamāfanafanaina foʻi o outou loto e lo tatou Alii o Iesu Keriso ma le Atua lo tatou Tamā, o lē e alofa iā i tatou+ ma foaʻi mai le faamāfanafanaga e faavavau, ma le faamoemoe matagofie+ e ala i le agalelei faifua, 17 ma ia faatumauina* outou i galuega ma upu lelei uma.